Popular Bible Verses from Yoel Uram 2

Share

Er Iya Erebdobnyi biryi uram ato ebdeibmou, “Weik wenen uki tum dam kubkwande. Bok, ukuryok a talak akiryi kuboka sun kanyatam nirya diboka danguboka Ni tam asi urasin deibdarur. Ura, ‘Er Imtamnyi biti kanya teleb kubdeibkwayeb,’ tenen yina si teboka bukmunci, yan kisiboka engeboka molobdarur,” ebmou.

“A talak ara sirya bisibmaci ura, ninyi nirya dam asi Ni Kanya Roh Kudus asi dobkwetebkwan. Ba, sun mabwe ab, sun nermabwe ab aryi aminda kunubkwanci dinyi ati minob bikoka lak eterebkwaming. Ba, sun atei nang ninyi wisi nang ara lengdera deib aryi eibkwaming. Kam ner sal ara kunumna eibkwaming.

“Sunci, ‘Nai e, nun talya aryi malyito kunub ati taklobkwayeb,’ tenen ukubkwamamunyi ura, sun ongon aling ara kwilingdana mem. Eda, sun kanyatam asi kwilikdandobkwandarur. Er Iya Erebdobnyi bira boukwe kimsinanyi kurur, tonda bico tenesinanyi kurur. Erda, minola yu wengkumnyi kurur. Eda, langdiboka boukwe weik kimsinanyi kurur. Ati, Erci sunsi weneboka, ‘Orminingkwan,’ tenebmou dinyi ara, ‘Taklobkwan,’ tenebmasir. Ati, sunci danguboka sun malyi kun dinyi taklobmunci, Er Imtamnyi tam asi urasin deibdarur.

Ba, Er Iya Erebdobnyi si asi nabdobingnyi sal kum ner kum ara lemna dinyi dobdobkwande. Ara, Sion mutuk dub ai ab, Yerusalem atei dam ab ara lemna dinyi kubkwande. Ara, Er Iya Erebdobnyi biryi uram ebdeiamwe to aryi lemna dinyi dobdobkwaming. Er Imtam Erebdobnyi biryi namnande ba, Er dam yangaroramingnyi nang ara sunbabyi lemna dinyi dobdobkwaming,” ebmou.

Kiting berengnande dinyi ara kunuk dakwande. Ba, wala ara ining bol deibkwande. A dinyi nirya ara sirya kunubmaci ura, Er Iya Erebdobnyi uki tum berekwande. A uki tum ara iya weik uki tum kubdiryi, ilil weik tenen uki tum berekwande.