Popular Bible Verses from Yoel Uram 1

Share

Ati, sunci sun Yehuda mutuk atei sien nang ab, a mutuk dam kunung atei nang nirya ab nabmunci, Er Imtam Erebdobnyi sun molondarurnyi ai dam bulubdeibdarur. Bulubdeibmunci, sunci, ‘Er Imtamnyi biryi lebdeiboka yina yin dinyi tamuboka karebsute,’ tenen, ‘Yina si teboka bukibiryi, Er Imtamnyi bisi molobkwayeb,’ ebdarur.

Gandum du ab, anggur du ab ara kum dandobmar ati, ninyi aryi Er Imtamnyi bisi dama kum deirinung. Ara, gandum du boboka anggur du boboka Er Imtamnyi bisi dama kum deirinung. A deyok aryi sun ninyi dama deirin nang ara engebdobdarur. Lukunda ara sunci engen kanya boboka aling kolo doboka arikdandobdarur. Sunda Ni Imtamnyi biti uk darandum nang a, sunci isin dakeiboka-dakeiboka engebdobdarur.

Anggur co sirya koula dansekwe. Ani, co si co ara ababyi sirya yukmar. Co si delima ababyi, co si kurma ababyi, co si apel ababyi wa in dam kurur co yala nirya koula dansekwe. Ba, diba ati uku talak nun ninyi kanya ara kanya teleb kum kusurur. Eda, nun kanya ara surungsurur.