Popular Bible Verses from Ulangan Uram 5

Share

Er Iya Erebdobnyi biryi ebdeibwe to kubdarur. Ara, Sun nai sun kwin asi, “Nun nai, nun kwin,” tenen teleb asa akwe kalikwandarur. Sun ato kubmunyi ura, sunda Er Iya Erebdobnyi biryi karebkwansir mutuk asi wengbindoka ani, wau louboka dibkwandarur.

Sunci Er Iya Erebdobnyi ebdeibmar uram nirya asi kunubkwandarur. Ato kuboka kunuramunyi ura, sun bindoka iya kubkwandum mutuk ara iya kam kuboka teleb asa kubmurubde bimunci, wau lobkwandum,” Ato eboka Musa biryi Er Imtamnyi ebdeibmou to kuboka sun Israel ninyi dam ebkarebmou.

Ni Imtamnyi bira sun Ni dam kundarur nang ati boukwe weik kuboka, “Ni kikwa molobniting,” tenesununyi kunun. Ati, sunci yuk kwemdeina asi kutam ikdongoboka si weik ebmunyei. Yuk kwemdeina si weik eboka milibmunyi ura, Ni sun Nai Iya Erebdobnyi biryi yu weik kuboka wenebkwansin. Sun Niti, “Nun li,” tenebkwaning nang ab, sun mabwe odei-odei winiryi dumbaryi asi Niryi wenebkwansin. Ura, sun Nisi boukwe weik kun nang ara Ni ebdeibse uram diboka kekebnumunyi nang asi yubwa-yubwa 1.000 baryi Ni bico tenesunun.

Sunci yuk kwemdeina asi kiknibdeiboka molona mem. Ara, imtam kurur dinyi ab, tukwetam kurur dinyi ab, tukwe amwetam me umbura kurur dinyi ab asi kanya teneibdeboka kiknibdei molona mem.

Ni Iya Erebdobnyi bira sun molonindarurnyi kunun ati, sunci Nisi ilil kuboka si weik ebkwanindarur. Sunci Ni urasintam asi yuk kwemdeina molona mem.

Ni sun Nai Iya Erebdobnyi si talyi enina mem. Talyi ebnumunyi ura, Ni wenebkwansin.

Ani, sun kanyitam aryi Ni Imtamnyi bisi ilil tenebmang dinyi ab, Niryi ebdeibmanyi uram kunubkwaming dinyi ab aryi, sun ab sun deibdoba ab ara teleb asa akwe kubmurubde binkwaming,’ ebmar,” ebmou.

Ni Iya Erebdobnyi biryi ebdeibse uki tum si Sabat tum ara, “Er Imtamnyi bisi si weik eboka milibkwayeb,” tenebdarur. A weik uki tum asi wa ina mem.

Yuk nang dinyi asi, “Dobdobtinyi,” tenena mem. Yuk nang ai ton, yuk nang ner ton, yuk nang wa irmilinanyi ton, yuk nang wa irmilin ner ton ati, “Ni dinyi,” tenena mem. Yuk nang wa in bisam sapi ton, wa in bisam keledai ton ababyi, “Dobdobtinyi,” tenena mem!’ ebmou.

Sal babyi ner babyi talyi yordana mem.

Sun tola ati yuk nang asi tatab-tatab ena mem.

Ninyi ona mem.

Yuk ninyi dinyi asi ukula dona mem.

Ati a uki si Sabat tum ara te louboka bukwandarur. Sunda minob Mesir mutuk aryi il weik wa dimnansei ba, irandau bok Ni Iya Erebdobnyi mikib aryi taruk taleboka boyasise.

Uki nabaryi ara sun irandum wa nirya ur ibdarur. Sirya ibmunyi ura, uki si Sabat tum berekci ura, taruk loubdarur. A uki tum ara Nira Iya Erebdobnyi uki tum ati, sunci wa ina mem. Ara, sun ton, sun mabwe nermabwe ton, sun wa irmilisin nang ton, sun wa irmilisin nerabwe ton, sun wa in bisam sapi ton, sun wa in bisam keledai ton, ababyi wa ina mem. Tonda, ninyi atei nang ara sun atei yandoka bukmangnyi nang ababyi a uki tum asi wa ina mem.

‘Nira Er Iya Erebdobnyi sun Molonindarurnyi kunun. Sunda mutuk Mesir aryi ikin wa takubdeiboka mambul weik dorandau bok, Niryi sun taruk taleboka boyasise.