Popular Bible Verses from Ulangan Uram 4

Share

Ura, yuk nang mutuk bindoka kuramunyi ani, tubto sun Nai Er Iya Erebdobnyi bisi ingkirikwandum. Bok, sunci Imtamnyi bisi eibkwamunyi ura, sun kanya tentok boboka Ersi ingkirikmunyi akwe eibkwandum.

Sun Nai Er Iya Erebdobnyi sun molondarurnyi bira ninyi boukwe ilintonyi kurur. Ati, Erci sunsi deiblobsiriryi ona kum kubkwansir. Ani, Erci sun abwe yabwe deici asi, ‘Ukubkwansin-ukubkwansin,’ eboka uram talak ebdeiamwe dinyi ab, sun kalikwansin eamwe dinyi ab, orkasina kum kubkwansin eamwe dinyi ab ara luba kimna kum kubwe.

Ato ebman ara Er Iya Erebdobnyi nun molonubnyi bira uk lemberekoka yirande atonyi kurur ati ebman. Ati, Er Imtamnyi bira yuk dinyi-yuk dinyi kiklibman kumnyi kurur.

Ati, sun asing aryi eibmarum to kuboka kalikmunci diboka diblilibkwandarur. Ba, Er Imtamnyi biryi nun Israel ninyi ati, leboka karesurur dinyi ara sunci luba kimna mem! Eda, sun kam kubde binkwanduma nirya ara kisok dam boamunyi aryi sun mabwe odei-odei binkwanduma nirya asi eterebmurubde binkwandarur!

A deyok aryi, arub aryok diboka bikdarur luba kimna mem! Ara, imtam babyi tukwetam babyi nirya, iya erebdob kwemdeina ton da kum kurur. Eda, nun molonubnyi Er Iya Erebdobnyi tentok a kunum kurur.

Ba, Er Iya Erebdobnyi, nun molonubnyi biryi nun molobibyi tok karesurur. Bok, sun yuk atei ninyi molonung kwemdeina aryi Er Iya Erebdobnyi, nun Nai Imtamnyi biryi kurdeirisurur to ton da kurur do? Ton ato kum kurur.

Ura, a bokwalwalabdeiansici ba, bindoka kuramunyi mutuk dam aryi sunsi mambul weik dinyi ilinto sun dam kubkwansir. Anda mambul dinyi sun dam kubsici talak aryi Er Iya Erebdobnyi nun molonubnyi boukwe dam tamuboka yankwandum. Sirya yamunyi ura, Er Iya Erebdobnyi eanci uram akwe kunubde binkwandum.

Ba, nun Nai Iya Erebdobnyi biryi ebdeibwe ba, niryi, ‘Ukubdarur,’ eboka aruksise uram ara sunci mitika ton kilina mem! Ani, sunci tabangdongona mem! Eda, Er Iya Erebdobnyi eanci tok akwe kunubde bankwandarur.