Popular Bible Verses from Ulangan Uram 6

Share

Ati, Er Iya Erebdobnyi nun molonubnyi bisi tentok kanya boboka Er kikwe kanyi deibkwandarur. Ani, sun kanya ab, sun nong ab, sun bingni dinyi ab nirya koubtaleboka Er Iya Erebdobnyi bikwe kanyi deirina teleb.

Ani, ‘Ato-ato kubkwandarur,’ ebmasin uram ara sunci sun mabwe asi tuba-tuba eterebkwandarur. Ara, ai umbura bukmamunyi tum babyi, bisik dam yibanmamunyi tum babyi, mabmamunyi tum babyi, bukokmunyi tum babyi nirya eterenkwandarur.

Arub aryi, ‘Ato-ato kubkwandarur,’ ebmasin to akwe kununkwandarur, luba kimna mem!

Ati ni kwit yabwe, sun Israel ninyi kekendarur! Nun Nai Er Imtamnyi bira Iya Erebdobnyi Er tentok kurur.

Ani, a uram ara sekokabmunci sun taruk ta dikum toubna ongoramunyi deici asi kikiboka bobkwandarur. Tonda, sun asok dam me aling ongoramunyi dam asi kikiboka ongobkwandarur.

Ani, a uram ara sun bisik wengban dam abyokomna ab, atei bisik wengyangan bublan ab asi sekdongobkwandarur,” ebmou.

Ati, sunci Er Iya Erebdobnyi nun molonubnyi bisi ilil kuboka molobkwandarur. Sunci yuk-yuk deyok ati uram talak ebkwamamunyi ura, yuk-yuk kwemdeina si deici aryi ena mem! Eda, Er Imtamnyi si deici akwe si siboka uram katabum ebdeibkwandarur.

Ura, Musa biryi tubto sun Israel ninyi asi ato ebmou, “Er Imtamnyi biryi sunsi boboka sun abwe yabwe Abraham ab, Ishak ab, Yakub ab dam asi, uram talak ebdeiamwe mutuk bobinkwansir. Bobisici ura, a mutuk ara weik-weik atei ab, telebto atei ab ara sunci dona kum kuamunyi atei ab asi bindoka kubkwandum. Minob a dobdanamingnyi ai yuk-yuk ara bona-bona teleb yala ilinto langkaringdaranci asi, bindoka kubkwandum. Ani, sunci longna kum me asi bindoka yibde kubkwandum. Ani, anggur wa nirya ab, zaitun wa nirya ab sun taruk aryi kum kouamunyi dinyi asi bindoka yibde kubkwandum. Ba, anda yina nirya yibde kuramunyi ba, boubkwansir. Ato kubkwandum deyok aryi, Er Iya Erebdobnyi Mesir mutuk dam aryi mambul weik dinyi dorandau asi boyasounyi luba kibmunyei.

Musa biryi sun Israel ninyi asi ato ebmou, “ ‘Ukubdarur-ukuna mem,’ en uram ab, yan memen uram ab ara nun Nai Er Iya Erebdobnyi biryi arukmanir to kuboka sunsi tubto eterebkwinsin. Ba, sun bindoka kubkwandum mutuk aryi kunubde binkwandum. Ba, a uram ara sun ab, sun mabwe nermabwe ab sun deibdoba odei-odei binkwanduma nirya ab, aryi kunubde binkwandum. Ba, sun kubkwandum nirya ara Er Iya Erebdobnyi nun molonubnyi bisi ilil kuboka Er ebdeianci to nirya kunubde bankwandarur. Ba, sun bindoka kubkwandum mutuk dam aryi wau louboka dibkwandum.

Er Iya Erebdobnyi biryi, ‘Teleb,’ tenen dinyi ab, ‘Dib,’ tenen dinyi ab akwe kunubkwandarur. Ba, sun teleb asa akwe kubde binkwandarur. Ba, Er Iya Erebdobnyi biryi sun abwe yabwe deici asi, ‘Sul mutuk karebkwansin,’ eboka uram talak ebdeiamwe. A ebdeiamwe mutuk Kanaan mutuk dam ara sun mutuk kiboka kubdobkwandum.

Ara, sun Nai Iya Erebdobnyi sun molondarurnyi bira matan weiknyi kurur. Sunci yuk kwemdeina molobmunyi ura, Er yu wekoka sun nirya kum dandeibkwansurur.

Ani, sunci a bindoka kuramunyi mutuk dina-dina kuramingnyi atei nang moloramingnyi kwemdeina asi sun miliboka molona mem!

Sunci sun Nai Er Iya Erebdobnyi bisi yini mutuk Masa atei dam yangarandauci, ‘Ukubman kum tonyi do?’ tenen malyi kiandau to kuna ara mem!