Popular Bible Verses from Isaias 42

Share

Me o Del ikhardem tut ando chachipe, ta ka istarav tut e vastetar, ka arakhav tut ta tu ka ave o alav kai ka dav e foro ta villelo e phuvienge, te putare e akha e correnge, te ikane katar o rubie e phanglen, ta katar o phandipe golen kai zivin ando truniariko.

Me o Del, gava si mo anav, ta avere ni ka dav mo liubao, ta ni mo blagosipe e sliken.

Etalo mo sluga, me dav le zor, ta mo duo veselilpe pala le, upral pe lete thodem mo duo, vou ka anel o chachipe kai e phuvia

Ni ka phagel o kastorro kai si chaladino, ta ni ka mundarel e memeli kai thuvarel, pala so si orta ka anel o chachipe. Ni ka chiniol ta ni ka jasarel e vlaga lligo ni ka thovel pe phuv o chachipe, ta e forura kai si pasa e mora ka aduricharen leki kris.

Ka inllarav e korre katar iek drom kai ni pinllarena, katar e dromorra kai ni llanena ka thovav len te phiren. Angla lende ka pharuvav o truniariko ando villelo ta ka ortou o bangipe. Gala ezgode ka chereu lenge ta ni ka mukav len korkorre.

E purve ezgode cherdile, ta me phenav neve ezgode, mai anglal te dikhon me ka sikavav len tumenge.