Popular Bible Verses from Isaias 40

Share

Vou del zor gole kai si chinio, ta del vlaga gole kai inai le ni iek zor.

E chaurre jasaren e vlaga ta chinion, e terne chinion ta peren, a gola kai uzdinpe ando Del ka avel len nevi zor, ka furian sargo e agila, ka prasten ta ni ka chinion, ta ni ka jasaren e vlaga.

¿Ni llanglan, ni asundan kai o Del ostade si o Gazda, kai cherda sa e phuv? Ni jasarel e vlaga ta ni chiniol nikada, ta niko nasti resel kai leko bizaipe.

Iek lleno urkil po pusto: Lacharen o drom e Gazdake, lacharen po pusto iek drom orta amare Devleke.

Sukol e char, phuriol e lulunllin, a e alava katar amaro Del achen ostade.

Ka sikadol e zor e Devleki ta sa e manusa ka dikhen le. Soke o Del dia orba.

Suako umal te avel vazdini, ta peradino suako burdo, sogo si bango te avel ortome, ta e burdura te achen orta sargo iek umal.

Sargo iek chobano ka arakhel pi stoka, ande pe va ka inllarel e bakren, ta ande po brek ka inllarel len ka arakhel lachimaia e bakrien kai avila len minone.

Vazden tumare akha upre, ta phenen ko cherda gola ezgode, vou ikanel ta llinel sa pe cheraien, saurren ikharel pe lengo anav, ni iek ni ka achel, gia bari si leki zor ta gia baro si leko gazdaripe.

Vou besel po kolo e phuviako, ta gola kai zivin pe late si sargo langoste, vou buliarel o miloso sargo iek chiti, inzarel le sargo iek chara te zivi.

Den orba kai o lio katar o Jerusalem, phenen leke urkindo kai getosailo leko vreme, kai leko bilachipe si prostime, soke lia katar o Del dui droma e duk pala sa o bilachipe kai cherda.

Iek lleno phenela: Urkisar. Ta me phendem leke: ¿So trubul te pheneu urkindo? Kai suako manus si sargo e char, ta sa leko baripe sargo e lulunlla katar o vos. E char sukol, ta e lulunllin phuriol soke e balav e Devleki phurdel pe late, isto gia sargo e char si o foro.

O Del o Gazda ka avel zoriaia, ta leko va ka gazdaril, anel pea o pochindipe, angla le avel soia ka pochinel.

Len zor, len zor, tumen kai sen mo foro, gia phenel o Del.

¿Ko llinda e mora pe vastea Ta o miloso pe cheperkoia, trine naienchar chidia o prajo e phuviako, ta phariada e burdura ta zumada gachin phariaven e umalia? ¿Ko sikada e Duo e Devleko, o ko sikada le so te cherel? ¿Ko sikada le te llanel? ¿Ko sikada le o drom katar o chachipe, o sikada le o bizaipe ta o drom e llanglimako?