Popular Bible Verses from Whakatauki 17

Share

E aroha ana te hoa i ngā wā katoa; nā, ko te teina, ko te tuakana, i whānau tērā mō ngā aituā.

He rongoā pai te ngākau koa; ki te marū ia te wairua, ka maroke ngā wheua.

Ko te tangata e hīpoki ana i te hē, e whai ana i te aroha; tēnā ko te tangata kōrerorero, e wehewehe ana i ngā hoa tupu.

He mātauranga tō te tangata e tohu ana i āna kupu; ā, he whakaaro tō te tangata i te wairua manawanui.

Ko te wairangi nei anō, ki te whakarongo puku, ka kīia he whakaaro nui; ki te kokopi ōna ngutu, ka kīia ia he tūpato.

Ko te maramara kai, ko te mea maroke me te āta noho hei kīnaki, pai atu i te whare kī i ngā hākari a te ngangare.

Ko te tīmatanga o te totohe i rite ki te tangata e tuku ana i te wai kia rere; nā reira waiho atu te totohe i te mea kīanō i oho te ngangare.

Ko te tangata e whakatika ana i tā te tangata kino, me ia e whakahē ana i tā te tangata tika, he rite tahi taua rua, he mea whakarihariha ki a Ihowā.