Popular Bible Verses from Whakatauki 16

Share

Utaina āu mahi ki runga ki a Ihowā, ā, ka whakapūmautia ōu whakaaro.

Ko te ngākau o te tangata hei whakaaro i tōna ara; ko Ihowā ia hei whakatika i tōna hīkoi.

Ko ngā kupu matareka ānō kei te honikoma, he reka ki te wairua, he rongoā ki ngā wheua.

Ko ngā whakatakataka a te ngākau nā te tangata; engari, ko te kupu whakahoki a te arero nā Ihowā.

Engari rawa te tangata manawanui i te tangata kaha, te tangata e pēhia ana e ia tōna wairua i te tangata i horo ai te pā.

Haere ai te whakakake i mua o te whakangaromanga, te wairua whakapehapeha i mua i te hinganga.

Ko ngā ara katoa o te tangata he mā ki ōna ake kanohi; ko Ihowā ia ki te pāuna i ngā wairua.

Ko te tangata e tahuri ana ki te kupu, ka kite i te pai; ā, ko te tangata e whakawhirinaki ana ki a Ihowā, ka hari.

He pai ake te mea iti i runga i te tika, i ngā hua maha ki te kāhore he tika.

Tērā he ara e tika ana ki te titiro a te tangata; ko tōna mutunga ia ko ngā ara ki te mate.

Ko tā te tangata whanokē he tītaritari i te raruraru; ko tā te tangata kawekawe kōrero he wehewehe i ngā hoa tupu.