Popular Bible Verses from Whakatauki 18

Share

Ko te mate, ko te ora kei te arero; ko te hunga e aroha ana ki tērā ka kai i ōna hua.

Hei pourewa kaha te ingoa o Ihowā; rere ana te tangata tika ki reira, ā, ora ake.

Ko te tangata tini ngā hoa aroha e whai ana i te hē mōna; tērā anō ia te hoa aroha, nui atu i tō te tuakana, i tō te teina, tōna piri mai.

Ko te tangata kua kite i te wahine māna, kua kite i te mea pai, kua whiwhi hoki ki tā Ihowā whakapai.

Ko te tangata e whakahoki kupu ana i te mea kāhore anō ia i rongo noa, he mahi wairangi tērā nāna, he hanga whakamā.

Kāhore o te whakaarokore āhuareka ki te mātauranga; engari kia whakakitea e ia tōna ngākau.

I mua ake o te whakangaromanga ka whakakake te ngākau o te tangata; i mua ake anō hoki o te hōnore ko te ngākau pāpaku.