Popular Bible Verses from Heremaia 14

Share

Kei roto rānei i ngā mea horihori a ngā tauiwi tētahi hei mea kia ua? Mā ngā rangi rānei e hōmai ngā ua nehu? He teka ianei ko koe ia, e Ihowā, e tō mātou Atua? Nā reira mātou ka tatari ki a koe, nāu hoki i hanga ēnei mea katoa.

Ahakoa whakaatu noa ō mātou kino i tō mātou hē, e mahi koe, e Ihowā, kia mahara hoki ki tōu ingoa; kua tini nei hoki ō mātou tahuritanga kētanga, kua hara mātou ki a koe.

Tēnei mātou, e Ihowā, te whāki nei i tō mātou kino, i te hē o ō mātou mātua, kua hara hoki mātou ki a koe. Kaua e whakarihariha ki a mātou, whakaaro ki tōu ingoa; kaua e whakaititia te torōna o tōu korōria; kia mahara, kaua e whakatakā tāu kawenata ki a mātou.