Popular Bible Verses from Heremaia 13

Share

E taea rānei e te Etiopiana te whakaputa kē tōna kiri, e te reparo rānei tōna kōtingotingo? Me kore noa e taea te mahi pai e koutou kua taunga nei ki te mahi kino.

Whakakorōriatia tō koutou Atua, a Ihowā, i te mea kīanō ia i whakapōuri noa, i te mea kīanō ō koutou waewae i tūtuki i runga i ngā maunga pōuri, i te mea hoki e tatari ana koutou ki te mārama; nā, kua puta kē i a ia ko te ātārangi o te mate, kua meinga kia pōuri kerekere.

Ko tēnei iwi kino e kore nei e pai ki te whakarongo ki āku kupu, e haere ana i runga i ngā tikanga pakeke o ō rātou ngākau, e whai ana i ngā atua kē, e mahi ana, e koropiko ana ki a rātou, ka rite rātou ki tēnei whītiki e kore nei e pai mō tētahi mea.

Whakarongo, tahuri mai ngā taringa; kaua e whakapehapeha; nā Ihowā hoki te kupu.