Popular Bible Verses from Heremaia 15

Share

I kitea āu kupu, ā, kainga ake e ahau, ā, ki ahau hei whakakoa, hei whakahari āu kupu mō tōku ngākau; kua huaina hoki tōu ingoa mōku, e Ihowā, e te Atua o ngā mano.

Mō reira ko te kupu tēnei a Ihowā: “Ki te hoki koe nā ka whakahokia koe e ahau, kia tū ai koe ki tōku aroaro, ā, ki te tangohia atu e koe te mea utu nui i te mea kino, ka rite koe ki tōku māngai. Ko rātou e hoki ki a koe, kaua ia koe e hoki ki a rātou.

“Ka meinga anō koe e ahau kia mawhiti i roto i te ringa o te hunga kino, ka hokona anō koe e ahau i roto i te ringa o te hunga nanakia.”