Popular Bible Verses from Yakobo 1

Share

Nye vafuuwa vayangu, umusika pe dzikuvaadzila ingemyo idzili poloofu, muvedzage nu lukeelo hela, pakuva mwidzeela ukutigila, umusika pe mwitaangʼana ni ngemyo mu lufuuwo lwenyo, kukuvapeela ingufu ya lwigugumidzo.

Mu ulo, ngana yumwinga umwenyo iikeepa uluhalawukagudzi, alapangilage kwa Nguluvi. Nave ahadza iikwanukila, pakuva uNguluvi akuvapeela vonda mu wusandzi kingaya kugomehedza.

Nye vafuuwa vayangu vendaanye, muumulikidze wunofu! Atanage ukuvedza mwali umwenyo umuunu umupeefu va kulonga kitahoodza, nda haamu, apulikidzage tandi, kangi atanage ukuviipa kisaatu.

Nu lwigugumidzo ulu lwisakulwa ukwikangadza ukufikila pa wusililo kitaguwa, ukuta mukangale nu kukwila, nu lufuuwo lwenyo lutanage ukukeepa ikiinu kikivedzaga.

Kangi unyeenye mutanage ukwidzanga pa kupulikidza hela ilidzwi lya Nguluvi, nda haamu, mulimage ngita kye liilonga.

Áfuunyiliilwe umuunu ye asiiduma ukwikangadza mu musika gwa ngemyo, pakuva pe iivedza ádelwidze ingemyo idzo, alaanukila ingeela ya wuumi uwa mbeepali, ye aahuuviidze uNguluvi ku avo avakumwenda.

Ikipeelwa kikivedzaga ikinofu íkikwiliye, kiihuma kukyanya kwa Daada, uMugavi va lidzuwa, umwedzi ni nondwe. Nave asiigayawuka ngita mwigisila ukuhuma mu muli idzo, umwene munofu umusika gonda.

Umuunu ye avedzaga ye iipulikidza ilidzwi lya Nguluvi, neke kangi asiilima ngita kye liilonga, uyo ali ngita muunu ye akwilola uluhwano lwakwe mu kinyawiilole. Umusika pe iivedza ámalile ukwilola nu kuhega pa kinyawiilole, baaho iiseemwa kye agenda.

Ulufuuwo lunofu ulungaya waafu nu lugomehedzo, lwe iikeela uNguluvi uDadiisu lwe ulu. Umuunu avatangage avapiina na vamwayuuva avafwile na vagoosi mu mumuko dzaawo, kangi iiyefyage ukutiifudzwa nu wuhosi wa mwe naanyi.

Umuunu pe iigemywa ukulima indzanangifu, atanage ukutigila, “UNguluvi akuungemya ukulima indzanangifu,” pakuva uNguluvi asiigemywa nu wuhosi. Kangi asikumugemya umuunu ye avedzaga ukulima indzanangifu. Neke kangi umuunu iigemywa ukulima indzanangifu pe iikwegwa nu kudzangwa nu wudobofu uwuviifu waakwe yumwene.

Umufuuwa ye avedzaga umuhangala akeelage, pakuva íinwiswe nu Nguluvi.