Popular Bible Verses from Macë 21

Share

Te lépp lu ngeen sàkkoo ñaan gu ànd ak ngëm, dingeen ko am.»

Yeesu ne leen: «Maa leen ko wax déy, su ngeen gëmee te baña am xel ñaar, dungeen yem ci def nii figg gi, waaye tund wii sax, bu ngeen ko noon: “Jógal tàbbiji géej,” loolooy am.

Ndiiraan ya ko jiitu ak ya ko topp a ngay xaacu naan: «Osaana, cant ñeel na Sëtub Daawuda bi! Na barke wàcc ci ki dikk ci turu Boroom bi! Osaana, na cant jibe béreb ya gëna kawe.»

Mu ne leen: «Bindees na ne: “Sama kër gi, kërug ñaan lees ko tudde,” waaye yeen, moom ngeen def rawtub sàcc.»

«Neleen janq Siyoŋ mu taaru: “Niiral, sa buur a la dikkal nii, di ku woyof, war mbaam, cumbur la war, doomu mbaam-sëf.”»

Yeesu nag ne leen: «Xanaa masuleena jàng lii ci Mbind mi? “Doj wi tabaxkat yi beddi woon, moo mujj di doju koñu tabax bi. Lii de, fa Boroom bi la sottee, nu gis ko, yéemu.”

«Loolu moo tax ma ne leen dees na jële nguurug Yàlla ci yeen, jox ko xeet wuy meññal meññeef ma ca war.