Popular Bible Verses from Romanos 3

Share

seyni ptowru potuko yineru hektuwaka kamhatshrini hiyáhoni Hoyakalu hoyaknu hpupjexyana. Seyni Hoyakalu powratachatlu yineru, hi rujhalu hwenuxikowaka, Hoyakalu henekachalewata klu tshinanu Cristo Jesus wenutatkalu.

Wpowratjerni Hoyakalu walixle Jesus Cristo tshinanuya. Ptowru halixatshri pejnu wan-hixka; klu tshinanu hikewani yineru pnuko hixatshriwa

Hoyakalu heneklu Cristo henekachaluru hiylatkaluru rixyawakapa hiyáhoni cruz rupniywaka tshinanu, yineru hektunu hiknokatshri rixyawakatka Cristo, ptowru yineru munanhalerutkani Cristo. Hoyakalu wan-hixa rekhixyawaklu potukalu rixyawaka. Mitshikananu Hoyakalu hetachatna hektuwaka kamhatshine, hmachiretannu tshinanu; hiyáhoni hi rapnokatna rektunna. Seyni xawakni Hoyakalu henekatkalu Cristo rekhixyawakaplu potukalu rixyawaka. Potukalni Hoyakalu hiyáhoni hpotukatanru Jesus halixatshripa.

Seyni hike yineru Moisés yonreru kamhatshri powratko Hoyakalu hetanuya. Klu tshinanu Moisés yonreru pirana rimathexikatka muhletu rixyawaka yineru.

Wla htshina yonatkaluru tshinyawakakotnaka: “Hi satukna yineru potukalu. Hi satukna himatjematshri. Hi satukna Hoyakalu homkahitatshri. Wanna ptowruneka howuka hwa Hoyakaluya. Pupjetatshinni wanna ptowruneka. Hi satukna kihleru kamhatshri, hi satuknako.”

Hiyáhoni wimatjemlu Hoyakalu powratlu yineru ralixle tshinanu tsonu seyni Moisés yonreru pirana romkahixyawaka hi powratlu yineru.

Hike, hi psojikna. Hoyakalu hikeklu hweyawata yáholu yine ptowruneko kayloklerunemkani seyni Hoyakalu hike. Hiyáhoni Hoyakalu tokanu yonatkaluru wan-tshina: “Pimathexikowakapni pixa Hoyakalu potukalyi kluneruktako ptshina hiyrun-koxa pimalwutko yahmaklu pweyawyehitko.”