Popular Bible Verses from Romanos 4

Share

Seyni hi rutuk-halixletni Abraão-ni hiyrunu hi ruhrok-halixletlu Hoyakalu hinkaklexyanru. Ralixle mixkotnixkalu, Hoyakalu rimalwutnixka. Abraão-ni himatlu psolu hchinikanuyako Hoyakalu himukata kamhaletlu wale runkakletanru.

Wane htshina yonatkaluru: “Wane nixkakatkayi Abraão-ni rurutyina hixo nerkaka hirutanru.” Hoyakalu hinkaklexyalu hakanhanu klu tshinanu Hoyakalu honra hinkakletlu. Xyekni Hoyakalu Abraão-ni munanhaleru. Hoyakalu walekni hipnatshri hiwekkakatshri hiyrunu htokanu tsonu tshinanu ptowruka mwakatuwa hakanhakakatshri.

Jesus, hixa hektunu tshinanu renekka rupniywaka seyni riwekkaka wuhleyehitka Hoyakaluya.

Hiyáhoni Abraão-ni halixachata, hkahwakachata yáholu yine yhale hetanu hmahijer-kahwaklechatanru. Hiyáhoni ralixle tshinanu Abraão-ni wuhenetna hixo nerune. Wane potuko htshinatka yonatkaluru: “Piklopichane wla pejnupna.”

Hiyáhoni Hoyakalu hinkakletlu halixatshine tshinanu. Wan-rixa Hoyakalu rimaxikowaka Hoyakalu hinkakletanru renekachatanna Abraão-ni klopichane ptowrun-potuka, hi Moisés yonreru pirana homkahitatshine tshinanu tsonu seyni ptowru yineru pejnu halixatshri Abraão-ni pixka hixa halixletatshri tshinanni. Klu tshinanu Abraão-ni wuruta hixa halixatshinwu ptowrunekwu.

wane htshinna: “Hektune powraxikolunetka hihlehchinikanyehitkalune hiyrunu rektunna ruknojikatkana. Hihlehchinikanyehitkalune yine hektune mtshinkonpatkani Hoyakalu hektuntshi hiknojyawaka tshinanu.”

Klu tshinanu Hoyakalu tokanu yonatkaluru wan-tshina: “Abraão-ni halixtokanutlu Hoyakalu hiyáhoni ralixle tshinanni Hoyakalu powratniru Abraão-ni, potukalu rixyawakni.”