Popular Bible Verses from Romanos 3

Share

Ma' ná'ogue na qomyipi 'ue na lasauaxaset, chaqai quiyim qoỹoqo'ta queda lca'laqataxanaxac ñi qota'a. Qam quedá'maq lqouagaxa ñi qota'a, ca ỹo'uet quiyim qaicoñi'chiguit quiñi'maxare. Qaca aca laseuete nqai'en, ma' nca'laxatec, chicqochigui nqai'en so Cristo Jesús.

Dá'maq 'neeta quiyim icoñi'chiguita qomi' ñi'maxare chicqochigui quiyim qomi' 'ue da qarpi'ỹaxac queso Jesucristo. Ca' chaqaida 'ne'tegue quená'ogue ná'maq huelec so'maxare, qaica ca ỹapacqajnauec.

Ñi qota'olec ỹo'uet chicqochigui nqai'en so Cristo queso lelauaxa, quiyim ishit qaỹapalaxat na nasauaxaseteripi, qam quiyim qoyiuelec so'maxare. Dajo 'ne'tegue, qaiyi re'oq quiyim ñi qota'a ipacqajanchigui dá'maq 'neeta'pegue, ma' mashic quedá'maq leualaxavic liyi le'ne' nqai'ne' sauá'maq 'auaxaqa nasauaxasete'. 'Neeta dajo, ma' ñi qota'a ỹahotaque ỹachaxan quiyim ñi'maxare ỹo'ueetetac da ỹa'maqachiguiñi. Chaqai se neme da 'neetari' quiyim icoñi'chiguit ñi'maxare ná'maq huelec so Jesús.

Ma' qaica quet cá'maq qaỹa'maxarenta quiñi qota'olec quiyim ỹo'ueetetac dá'maq 'naac na naqataxaquipi, ma' na naqataxaquipi, na'maxare chi ỹo'uet quiyim ỹa'deenaxanaxaneguelo qomi' quiyim qomi' sauaqhuaqa.

Ma' naua naneresañi la'qaatqa ñi qota'a 'neracsa': Qaica ca huagaxaraic, ñaqa 'ue quet ca 'oonoqui'; qaica quet cá'maq 'oonoqui' ỹahotaque quet quiyim 'ue ca ỹa'den, qaica ca ishit imitaque ñi qota'a. Ná'ogue chi namaqatajlec, ná'ogue tai'a quiyim na'laañi. Qaica quet cá'maq ỹo'uet quet ca ỹa'maqachiguiñi, ñaqa 'ue quet ca 'oonoqui'.

Ca vichiguiño' qomi' sa'deenqata quiyim ñi qota'olec icoñi'chiguit ca qom quiyim 'ue ca lpi'ỹaxac, mese ipacaque quiyim ỹo'ueetetac da 'naac na naqataxaquipi, loqo'm 'e'.

¡'E'! Ta'ta'a quiyim ñi'maxare ipacqajanchigui ỹo'uet dá'maq lliqueta, 'eno'm ná'ogue na qom 'maatqaic. Ma' 'nerac naua naneresañi la'qaatqa ñi qota'a: Quiyim taxahi', ca' re'oq quiyim ỹaatqajam lliqueta ca 'ñirac, ca' re'qootec quiyim qaica ca rasauaxashichi' ma' qaimit qami'.