Popular Bible Verses from Romanos 4

Share

Qam so'maxare qaica ca huapigui na lauel, chaqai se ỹoqolliguit dá'maq ỹachaxantac ñi qota'a. Ta'ta'a quiyim nqo'neuec da lpi'ỹaxac chaqai da naquitaxac. Ca' imaqachintac ñi qota'a quiyim ỹaatqajam i'taxachichiguiñi quiyim ñi'maxare 'ue da lquesaxanaxa quiyim ỹo'uet ipacqajanchigui dá'ogue dá'maq ỹachaxantac.

quiñi qota'a, ma' so'maxare qai'neeta huelec ñi'maxare. Ma' 'nerac naua naneresañi na'qaatqa: “Aỹim so'uet quiyim qami' leta'a na 'xoic ỹoreta'oguit qomyipi.” Ma' ñi qota'olec ỹa'ue da lca'laxa ná'maq mashic ileu, chaqai re'oq nqai'en ná'maq saqa' re'oq.

só'maq qoỹaañiguit da lelauaxa sauaxat na qarasauaxaseteripi, chaqai liỹa qanca'laxatec, qaiyi icoñi'chiguita qomi' ñi qota'olec.

'Eno'm mashic tot qaica ca naquitaxac, qam so Abraham huelec ñi qota'a, chaqai 'uo' da naquitaxac. Ca vire'to' na' “'xoic na ỹoreta'oguit qomyipi leta'a so'maxare.” Ca ipaquichigui dá'maq 'naaco' na'le ñi qota'a: “Ca 'eda 'neeta quiyim ỹorete' ma'le ca qachaalaxai'pi.”

Ca vichiguiño' quiyim dá'maq qaỹachaxanem so Abraham quiyim qai'taxajñi taỹaugui nqohin ná'ogue na llaalqaipi quiyim neme, qam chicqochigui nqohin da npi'ỹaxac. Ca da'maxare 'neetasa': quiyim dá'maq qaỹachaxantac mesqainaata ná'maq ỹo'ueetetac na naqataxaquipi, ma' qai'neeta ná'maq huelec ñi qota'a 'nejem so Abraham ma' huelec ñi'maxare. Ca so'maxare ỹovira'a quiyim qomá'ogue qareta'a

Ca 'naaco' so David: Chalego loyac ma'le cá'maq qomyipi quiyim ñi qota'a ỹapalaxat ná'maq ỹo'ueetetac se no'uen, chaqai se ra'igui na lasauaxaseteripi. Chalego loyac queca qom quiyim ñi qara'gaxala' se ra'igui na lasauaxaseteripi.

Qam ¿negue' ca 'nerac naua nerecse' na'qaatqa? 'Nerac: “So Abraham 'uo' da lpi'ỹaxac quiñi qota'olec, ca' quedajo lpi'ỹaxac, ca' ñi qota'olec icoñi'chiguit, ca ỹamata'gue lo'yaxanec ỹale.”