Popular Bible Verses from Romanos 2

Share

Ca qami' quiyim ra'iisapigui ca lasauaxaset ca liỹa, qam qami' qai'neeta 'viichi'sac, loqo'm ¿'neetapigui qavilli' quiyim ñi qota'a ỹit aqami' quiyim ỹa'ue ca nouaxanaxashichi'? Ca ¿peeta'a liỹoqoira'piguit da sqaica lqodoc lqouagaxa chaqai da leualaxavic ñi qota'a, qam se retañi' quiyim chaqaida dajo nqouagaxa ỹahotaque quiyim netogochigui na qavilli'?

Vichiguiño' qaica quet cá'maq 'neeta quiyim sqaica quet ca rasauaxashichi', qami' quiyim ra'iisapigui ca lasauaxaset ca liỹa, 'eno'm canchaqai 'ñiite'. Ma' quiyim ra'iisapigui ca nasauaxaset, ca vi'saque cá'maq chi nouaxanaxashichi', ma' dá'maq ra'iisapigui chaqaida dá'maq qami' 'viichi'sac.

Ma' ñi qota'a nalo'ojta' nqai'en, qaica ca ỹapacqajnauec quena qomyipi.

Ma' se qaỹa'maxarenta quiñi qota'a cá'maq chi na'xaỹaxantapega na naqataxaquipi, ta'ta'a cá'maq ỹaatqajam ỹo'uet dá'maq 'naac na naqataxaquipi.

ma' ñi'maxare ỹa'ue ca laseue' cá'maq lo'ueenatec quiñi 'óna.

Qam ỹaatqajam ro'o quiyim ỹa'ue ca nouaxanaxaset ná'maq chaqai ỹoiquentac dá'maq 'neeta'pegue, ca' se na'xaỹaxana dá'maq ỹaatqajam lliqueta na'qaatec, qainaata na se no'uen queeta'uegue.

Qam qami' 'ñaaxai le'taxanata, ca se netogochigui na qavilli'. Vichiguiño' ca chi niỹoqoiseguelta' quena rasauaxashichi', ma' ỹovita ca na'xa'a ma' ñi qota'olec ichoxot ná'ogue na nasauaxaset, ca' quiñi 'óna qaỹa'ue ca nouaxanaxaset