Popular Bible Verses from Yosua 6

Share

Tete Aƒetɔ gblɔ na Yosua be: “Kpɔ ɖa, metsɔ Yerixo-dua, dufia la kple eƒe aʋawɔlawo katã de asi na wò.

Ne woku kpẽawo, eye wohe wo me ʋuu miese ko la, ekema dukɔ blibo la nedo ɣli hoo sesĩe. Yerixo-dua ƒe gliwo amu adze anyi. Ekema Israelviwo nelũ ɖe emenɔlawo dzi.”

Wò kple wò aʋawɔlawo katã mizɔ ƒo xlã dua kpe ɖo zi ɖeka gbe sia gbe. Miwɔ nenema ŋkeke ade.

Nunɔla adrẽ natsɔ agbodzokpẽawo adze nubablaɖaka la ŋgɔ. Le ŋkeke adrẽa gbe la, wò kple nunɔlaawo miaƒo xlã dua kpe ɖo zi adrẽ, nunɔlaawo nanɔ kpẽawo kum.

Azɔ le Israelviwo ta la, wodo Yerixo-dua ƒe agbowo le eme, de ga wo me, ale be ame aɖeke mate ŋu age ɖe dua me loo, alo ado go tso eme o.

Hafi woaƒo xlãe zi adrẽlia la, nunɔla kpẽkulaawo dzra ɖo ɖe kpẽawo kuku ŋu. Yosua gblɔ na dukɔa be: “Dzidzɔɣli neɖi, elabe Aƒetɔ tsɔ dua de asi na mi!

Migbã dua. Mitsrɔ̃ nu siwo katã le eme la keŋkeŋ na Aƒetɔ negbe Raxab, gbolo la kple eƒemetɔwo dzaa ko miagblẽ ɖi, elabe eyae xɔ na ame siwo míedɔ la to wo ɣaɣla me.