Popular Bible Verses from Josuạ 6

Share

Unre Probhu Isor do Josuại metadea, “Ńelme, iń do Jerikho nagraha, ar onaren raj ar onaren sanam bir lạṛhạiko amakʼ tireń jimạ akatʼkoa.

Ar tinre naekeko do mitʼ dhãote sakwako oroṅa unre sanam hoṛko ãṭ aṛaṅtepe hohoya. Onate nagraha reakʼ pạcri bhit do lạnduṛ ńurokʼa ar Israelko do onateko decʼ bolokʼa.”

Ape do sanam palṭonkowante nagraha beṛhaete mitʼ dhao ạcurokʼpe; ar turui din hạbicʼ onkaepe.

Ar eae naekeko do bheḍa dereń reakʼ eae goṭecʼ sakwa do bondobos-sinduk laha lahate idikʼa. Ar eaeakʼ dinre ape do nagraha beṛhaete eae dhaope ạcurokʼa ar ona sãote naekeko do sakwako oroṅa.

Ona jokhecʼ Israelko lạgitʼ Jerikho nagraha reakʼ phaṭok duạr do kajakte siń esetʼ akan tahẽkana. Onḍe khon do okoe hõ bako oḍok hecʼ daṛeakʼkan tahẽkana ar bolo hõ bako bolo daṛeakʼkan tahẽkana.

Ar eae dhao ạcurokʼ jokhecʼ tinre naekeko do sakwa mitʼ dhaoteko oroṅkeda unre Josuạ do hoṛkoe hukumatʼkoa, “Ãṭ aṛaṅte hohoepe, ente Probhu Isor do nagrahae jimạ akatʼbona.

Nagraha ar ona bhitri reakʼ sanamakʼge Probhu Isor ńutumte sarapakʼ ar nosṭokʼ lạgitʼ hoyokʼa. Eken Rahab kusumbi ar uni oṛakʼren okoeko menakʼko onko moto jiwetʼko tahena, ente abonren disạm cikʼyạkin hoṛe oko doholetʼkinạ.