Popular Bible Verses from Hebrews 13

Share

Lat yere life no be iʼ the way oʼ loeʼin siller; bein content wiʼ what ye hae; for he has said, “In naegate wull I leaʼ ye! Na, in naegate wull I forsake ye!”

Jesus Christ, yestreen and the day the same, and for evermair!

Sae that, takin heart, we may say, “The Lord is my freend, and Iʼse be‐na fleyʼt; what sal man do to me?”

But, oʼ doin gude, and oʼ fellowship, forget na; for wiʼ sic sacrifeeces as thir, God is weel‐pleased.

Throwe him, than, lat us be offerin‐up a “sacrifeece oʼ praise” aye to God; whilk is “the frute oʼ oor lips,” confessin to his name.

Lat mairriage be hauden in honor oʼ aʼ, and lat the bed be pure; for lecherers and adulterers God wull judge.

Forget‐na to enterteen fremd anes; for sae some hae takin to them Angels, unkent.

Noo the God oʼ peace, that led up frae amang the deid oor Lord Jesus, the Great Shepherd oʼ the sheep, throwe the blude oʼ the ever‐bidin covenant, Mak ye perfete in ilka gude thing for the workin oʼ his wull, doin in ye that whilk is weel‐pleasin afore his face, throwe Jesus Christ: tae wham be glorie for evir and evir! Amen.