Popular Bible Verses from James 1

Share

Aʼ joy coont it, my brethren; whan ye come intil mony trials. Comin to ken that the testin oʼ yere faith works oot lang‐tholin.

Gin ony oʼ ye want wisdom, lat him be seekin frae God, wha gies in rowth till aʼ, and wytes‐na; and it sal be gien him.

Ye ken this, my brethren belovʼd! But let ilka man be gleg to hear, backwart to speak, refusin to be angʼerʼt.

But let lang‐tholing hae its perfeteness, sae as ye may be perfete and complete, wanting in naething.

But become ye word‐doers, and no word‐hearers alane, deceivin yere ain sels.

Happy he wha tholes trial! for, sae being appruvʼt, he sal hae a croon oʼ Life, promised oʼ the Lord to thae that loʼe him!

Ilka gude grant, and ilka perfetit gift is frae Aboon, comin doon frae the Faither oʼ lichts; wiʼ wham is nae unsiccarness, nor shadow oʼ gaun back.

For, gin ane is a word‐hearer, and no a word‐doer, he is but like a man seein his born face in a keekin‐gless. He sees his sel, and awa he is gane: and belyve he minds‐na what sort he was like!

The service oʼ religion, pure and perfete afore oor God and Father is this: To be visitin faitherless and widows iʼ their dool, to keep his sel unstained frae the warld.

Lat nae ane, whan under trials, sae, “I am tempit oʼ God!” for God is naither tempit wiʼ sin, nor sae tempts he ony ane. But ilk ane is tempit, whan by his ain desires he is wheedlʼt awa and enticed.

Lat the lowly brither joy at his uplifting