Popular Bible Verses from PHUNGTHLUKBIA 12

Share

Lung retheihnak nih minung cu lunglawm loin a tuah, Sihmanhsehlaw dawtnak bia nih cun lunglawmhnak in a khahter.

Hngalhnak a duhmi nih cun a palh tikah na palh tiah chimh kha a duh, palhnak chimh huat cu hruh a si.

Ruah set loin chimmi bia nih cun nam chunh bangin mi a chunh, sihmanhsehlaw mifim bia nih cun hma kha a damter.

Mihrut nih cun ka ding tiah a ruah zungzal, lungthin cheuhmi a ngaimi cu mifim an si.

Mihrut thinhun cu aa hngal zau, sihmanhsehlaw mifim nih cun serhsatnak kha zei ah rel duh loin a umtak men ko.

Nupi ṭha cu a va caah bawi luchin a si, sihmanhsehlaw ningzahnak a tluntertu nupi cu ruh chung i khensar zawtnak bantuk a si.

BAWIPA nih lihchim hmangmi cu a huat hna, Sihmanhsehlaw miding cu a lawmh hna.

Miding nih cun ṭhat lonak kha an hrial, Sihmanhsehlaw miṭhalo nih cun a pialtertu hna lam kha an zulh.

Biatak cu zungzal in amah ningte a si ko, sihmanhsehlaw lih cu caan tawite lawnglawng a nung.