Popular Bible Verses from PHUNGTHLUKBIA 13

Share

Mifim hna sinah i chawk ve lengmang law na fim lai, mihrut hna he i kom law a ping ah an in hruai lai.

Na biachimmi kha i ralring law na nunnak kha naa veng kho lai, ralrin loin bia a chimmi nih cun amah lila kha aa hrawk ko.

Na fa cu dan na tat lo ahcun na huat a si, na dawt ahcun amah kha chimhring tuah.

Ruahchannak cu a nikhua rauhter tikah hin lung a fak, sihmanhsehlaw saduhthahmi cu a tlin tikah hin nunnak thingkung a si.

Dinnak tuahnak nih khan miding cu a ven hna, sihmanhsehlaw ṭhat lonak cu mi sual mi hna tluknak a si.

Khulrang in hmuhmi rumnak cu a ziam zau, sihmanhsehlaw tlawmpal, tlawmpal tein khonmi cu a karhcho.

Uahfaihnak nih cun rem lonak lawng kha a chuahter. Sihmanhsehlaw aa nawl thiammi hawikom hna bu chungah cun fimnak a um.

Miṭha nih cun an fa fa chin tiangin ro an chiahpiak hna, sihmanhsehlaw misual mi nih an pumh luaimaimi chawva cu miding hna sinah a kal ko lai.

Fapa fim nih cun a pa nih a chimhhrinnak kha a ngaih, Sihmanhsehlaw mi lungpuam nih cun ka palh tiah a ti bal lo.

Cawnpiaknak zei ah a rel lomi cu sifahnak le ningzahnak nih a phak hna, sihmanhsehlaw chimhhrinnak zei ah a relmi cu upatnak an hmu.