Popular Bible Verses from PHUNGCHIMTU 3

Share

Zeizong vialte caah hin caan a um cio i vanrang tang i a ummi thil vialte nih hin caan an ngei dih

Hrin caan a um, thih caan a um; cin caan a um, phawi caan a um; Thah caan a um, damter caan a um; ṭheh caan a um, sak caan a um

Ṭah caan a um, nih caan a um; ngaihchiat caan a um, lam caan a um; Nu le pa si caan a um, si lo caan a um; i pom caan a um, i pom lo caan a um

Thleh caan a um, belh caan a um; dai tein um caan a um, chim caan a um; Huat caan a um, dawt caan a um; i doh caan a um, i rem caan a um

Kawl caan a um, thlau caan a um; chiah caan a um, hlonh caan a um

Pathian nih a tuahmi paoh cu zungzal in a hmun ti kha ka hngalh; zeihmanh chap khawh an si lo i zeihmanh zuh khawh zong an si lo; minung nih a hmaiah ṭihnak a ngeih nakhnga Pathian nih cu bantuk cun a tuah.

Ka lung chungin Pathian nih miding le miṭhalo cu aa khat rep in bia a ceih ko hna lai, zeicahtiah kan hmailei vawlei zong hmanh ah khin zeizong vialte hi anmahle an caan te cio ah an tling cio ko lai, ka ti.