Popular Bible Verses from PHUNGCHIMTU 4

Share

Pahnih cu pakhat nakin an ṭhahnem deuh, zeicahtiah an ṭuanmi rian khan tam deuh an hmuh khawh. Pakhat kha a tluk sual ahcun pakhat nih khan a bawmh khawh. Sihmanhsehlaw mi pakhatkhat cu amah lawng a si i a tluk sual ahcun a poi ngaingai ko amah a bawmtu ahohmanh an um ti lo.

Pakhat lawng a teitu ral kha pahnih nih cun an rak doh khawh lai. Thumthlak hrihrual cu chah a harmi a si.

Khua a sih tikah pahnih in hmunkhat ah nan ih ahcun nanmah le nanmah kha nan i lumh kho, sihmanhsehlaw nangmah lawng cun zeitindah naa lumh khawh lai?

A si zong a si men ko lai, sihmanhsehlaw tlawmte lawng hmanh ngeih ko i lung dai tein um hi kut a pahnih hnih in rian ṭuan zungzal ko i thlitu tlaih i zuamnak nakcun a ṭha deuh.

Zeicahdah minung nih hin tlamtlinnak ding caah fak piin rian a ṭuan ti zong kha ka hngalh cang: hawi nakin tam deuh ngeih an duh caah a si. Cucu pakpalawng a si ko, thlitu dawi men kha a si ko.

Mi pakhatkhat cu sifak te a si nain a ṭhang lengmang i an ram siangpahrang ah a cang, asiloah thonginn in siangpahrang ṭhutdan ah a kai, sihmanhsehlaw cu pa nih cun a tar tikah ruahnak cheuhmi kha a duh lo ahcun, a si a fak nain a fimmi tlangval kha cu pa nakcun a ṭha deuh.