Popular Bible Verses from तीतुस 2

Share

विश्वासियनि ऐहीं-चारै शिख्रा, केईनी कि परमेश्वरै सारा मैहणुवंनी पापा किना बचांणेरी बत्त लुहाय करि अपड़ा अनुग्रह प्रकट क्यौरा। परमेश्वर अपड़ै अनुग्रहरी वजहि ला असुनि शिख्रांता ताकि तेतियै बर्ताव कांने बंद करिया, जै परमेश्वरा खुश ना कातै जां तैन्हांं चीजा केरा लालच ना करिया, जेन्हैरी ईच्छा अविश्वासी मैहणु कातै जां जेख्णी कि असै ऐम्हीं इस संसारा मझ अत्तै, ता समझदारी सिंउ जां धार्मिकता सिंउ ऐतियै कंम करिया, जै परमेश्वरा खुश कातै।

असै ऐनि हिसाबै बर्ताव कातै अत्तै जां उम्मीद सिंउ तेसै अदभुत धियाड़िरा इन्तजार कातै अत्तै, जेसैरी असु आशा आ; जां तैस धियाड़िरा जेख्णी यीशु मसीह, जै असैड़ा महान परमेश्वर जां असैड़ा उद्धार कांनारा, तैस अपड़ि सारी महिमा सिंउ धरती पन वापस ऐईंणु। ऐनि यीशु मसीह अपांणा असेड़ै तेईनी बलिदान करि दित्ता ताकि असु सभनियांं पापा किना बचाईया जां पवित्र बंणा सकिया, ताकि असै तेसेरै अपड़ै बड़ै खास मैहणु बंणी गहिया, जै भलै कंम कांनेरै तेईनी पूरी तरह सिंउ तेसेरै हवालै करि दिया।

ताउ हर गलै मझ अच्छै कंम करि-करि उदाहरण पेश कांना चेहिंथा, जेसैरा होरै हमेशा पालन करि सकिया। जेख्णी तु विश्वासियनि परमेश्वरेरै बारै मझ शिख्रांता, ता ताउ अच्छै मकसदै सिंउ शिख्रांणु चेहिंथु कि मैहणु तिंडा आदर करिया। जां सै शिख्रा जै सच्च आ जां जेठणीरी कोई निंदा ना करि सकिया, ताकि तिंडै दुशमण शर्मिन्दा भुईया, केईनी कि किछ बि ऐतियु बुरू ना भूंणु, जै असेड़ै विरोधा मझ बोलि सकिया।