Popular Bible Verses from तीतुस 1

Share

ऐ झूठै अगुवे बोलतै कि असै परमेश्वरा जांणतै, पण तेन्हैरै कंम साफ तौर पन ऐ साबित कातै कि सैक्यै तैस ना जांणतै। परमेश्वर तैन्हांं मैहणुवां सिंउ नफरत काता, केईनी कि सैक्यै तेसैरी आज्ञाय ना मनतै जां कोई भला कंम बि ना करि सकतै।

तैन्हांं मैहणुवंनी सभ चीजै विधिरै मुताबिक शुद्ध अत्ति, जेन्हैरै दिला मझ कोई बुरा विचार ना। पण तैन्हांं बुरा मैहणुवां केरै तेईनी जां जै यीशु मसीह पन विश्वास ना कातै “तेन्हैरै तेईनी सै सभ-किछ अशुद्ध आ, जै किछ सै कातै।” केईनी कि तेन्हैरै दिल जां अन्तरात्मा दोईयो पूरी तरह सिंउ गन्दै अत्तै।

तैस यीशु मसीहरी विश्वासयोग्य खुशखबरी पन मजबूती सिंउ विश्वास कांना चेहिंथा, जै असै तेसनी शिख्राउरू आ। ताकि सै होरनियांनि सही शिक्षा दींणेरै तेईनी बत्त लुहाय सकिया जां सेईतै तेन्हांनि यकीन बि दिवाईया कि सैक्यै गलत अत्तै।

केईनी कि कलीसियेरा अगुवा परमेश्वरैरा भण्डारी भूंणेरी वजहि ला निर्दोष भूंणा चेहिंथा; सै ना हठीला, ना गुस्सा कांनार, ना पियक्कड़, ना मारपीट कांनार जां ना नीच कमाईरा लालची भुईया। पण सैक्या मेहमाना केरा आदर कांनार, भलै कंंम कांनार, अपड़ि भावनांए काबु कांनार, धर्मी, पवित्र जां अनुशासनै वा भूंणा चेहिंथा।

अक अगुवा निर्दोष जां ऐकि ऐ जनेनिरा लाड़ा भूंणा चेहिंथा, तेन्हैरै बच्चै विश्वासी भूंणै चेहिंथै, ताकि कौ तैन्हांं पन इल्जाम ना ला सकिया कि सै बेकाबु अत्तै जां हुक्म ना मनतै।