Popular Bible Verses from इफिसियों 2

Share

केईनी कि असु बणांणार परमेश्वर आ; जां मसीह यीशु मझ भलै कंम कांनेरै तेईनी असै नवाँ मैहणुवां केरै रूपा मझ बंणाय, जै परमेश्वरै पेहिलै किना असेड़ै कांनेरै तेईनी तियार केया।

केईनी कि ऐक्यु परमेश्वरेरै अनुग्रह ला आ कि तुवे विश्वास कांने ला बचाईयोरै अत्तै। तुहैं ऐपु अपांणा ना बचा, पण ऐ परमेश्वरैरा दान आ। जां ऐ तुवाड़ै क्यौरै कोस बि अच्छै कंमेरै कारण ना। ऐठणीरै तेईनी तुहां किनि घमण्ड कांनेरी कोई वजह ना।

पण परमेश्वर बड़ा दयालु आ; अपड़ै तैस बड़ै प्रेमेरै कारण, जेठणीरी वजहि तेनी असु सिंउ प्रेम केया, जेख्णी असै पापा केरै कारण मौरै मैहणुवां सैयि थ्यै, तेनी असुनि जीवन दित्ता, जेख्णी तेनी यीशु मसीह मौरा मझां जींतैरा; परमेश्वरेरै अनुग्रह ला-ऐ तुवे बचाईयोरै अत्तै।

केईनी कि तेनी असै मसीह सिंउ मौरा मझां जींतैरोरै अत्तै जां असुनि स्वर्गा मझ यीशु मसीह सिंउ राज्य कांनेरै तेईनी काबिल बंणाय।

ऐठणीरै तेईनी अबै तुवे होरनियां जातिया केरै मैहणु परदेशी जां मुसाफिर ना रिय्है; पण तुवे परमेश्वरैरा मैहणुवां सिंउ बेशणार जां परमेश्वरेरै परिवारेरै मैहणु अत्तै। मिलि करि सभ असै तेसैरू घर अत्तै, जै खास चैलै जां भविष्यवक्ता केरी खाई पन बंणोरू आ। जां ऐसेरै कूंणैरा घौड़ ऐपु यीशु मसीह आ।