Popular Bible Verses from इफिसियों 3

Share

परमेश्वरेरी महिमा भुईया! सै ऐतिया सामर्थी परमेश्वर आ, जै असेड़ि विनती किना जां सौचणा- समझणां किना बड़ु जादु करि सकता। सै अपड़ि सामर्थी ला असुवां मझ कंम काता। तेसैरी महिमा कलीसियै मझ, जां मसीह यीशु मझ पीढ़ी किना पीढ़ी तेईनी युग-युग भूंती रिय्हा। आमीन।

आंउ प्रार्थना काता, कि परमेश्वर अपड़ि महिमा बाऐ असीमित खजानै किना तुहांनि ऐ दान दिया, कि तुवे तेसैरी आत्माय किना ऐपु अंदर सामर्थ लैकरी शक्तिशाली भौ गहिया। ताकि तैस पनि विश्वास कांने ला मसीह तुहां अंदर सदा तेईनी रिय्हा। जां आंउ प्रार्थना काता, कि परमेश्वरेरै प्रेमा मझ तुवे मजबूत भौ करि जां द्रिढ़ै भौ करि, सभनियांं पवित्र मैहणुवां सेईतै ऐस गलैरी भली-भांति समझणैरी शक्ति लै ल्या, कि मसीहरै प्रेमैरी चौड़ाई, जां लम्बाई, जां ऊंचाई, जां गहराई क्यौति जादी आ। आंउ प्रार्थना काता, कि तुवे मसीहरै ऐस प्रेमेरै बारै मझ जांणियां, जै मैहणुवां केरी समझि किना भेईर आ, ताकि तुवाड़ा स्वभाव परमेश्वरेरै स्वभावा सैयि बंणी गहिया।

मसीह सेईतै असुवां जुड़नेरी वजहि सिंउ जां तैस पनि असेड़ै विश्वासेरी वजहि सिंउ, अबै असै परमेश्वरेरी उपस्थिति मझ हिम्मती जां आत्मविश्वासै सिंउ अईछी सकतै।