Popular Bible Verses from कुलुस्सियों 2

Share

ऐठणीरै तेईनी जिहीं तुहैं प्रभु यीशु मसीह प्रभु मनि करि ग्रहण करि लियौरा, तिहियें अबै लगातार तैस सैयि बर्ताव करा। जां तेसै मझ मजबूत भूंतै गहा, जिहीं अक बुट धरती मझ जड़ पकड़तु; जां जिहीं अक घर बुनियादी पनि मजबूत रींहथु तिहीं ऐ तुवे बि अपड़ै विश्वासा मझ मजबूत भूंतै गहा, जां परमेश्वरैरा ज्यादा किना ज्यादा धन्यवाद कातै रिय्हा।

ध्यान रखा, कि तुहां कोई अपड़ै तैस संसारिक ज्ञाना मझ जां फालतु बाई गला मझ ना फसाईया, जै मैहणुवां केरै बंणाउरै रीति रिवाजा जां संसारेरी शिक्षाईया केरै मुताबिक आ। पण मसीहरै अनुसार चला।

जेख्णी तुवे अपड़ै पापा मझ मुड़दा थ्यै जां तुवे अपड़ै पापी स्वभावा मझ पियौरै थ्यै, तेख्णी परमेश्वरै तुवे मसीह सिंउ जींतेरै जां असेड़ै सारै अपराध माफ क्यै। ऐ ऐतियु थियु जिहीं कि परमेश्वरै असेड़ै पापा केरा लिखौरा चिट्ठा मिटा दिता, जैस मझ असेड़ै खिलाफ आरोप लिखोरै थ्यै। जेख्णी मसीह क्रूसा पनि चाढ़ा, तेख्णी तेनी सै चिट्ठा जैस मझ असेड़ै पाप थ्यै सै पूरी तराहि सिंउ हठाय दित्ता।

ऐ मैहणु तुहांनि धोखा ना दिया, केईनी कि जेख्णी मसीह मैहणुरै रूपा मझ या, तेख्णी बि सै पूरी तरह सिंउ परमेश्वर थ्या। मसीह हर एकि शक्ति जां अधिकारा मझ प्रधान आ, ऐठणीरै तेईनी अगर तुवे मसीह मझ अत्तै ता तुहांनि कोस बि चीजै मझ कमि ना।

ऐठणीरै तेईनी कोई तुहांनि ऐ बोलिकरी, कि तुहां कितु खांणु पींणु आ, या त्यौव्हार मनांणेरै बारै मझ, या चाँदैरा त्यौव्हार, या आरामेरी धियाड़िरै बारै मझ तुवाड़ा न्याय करि करि तुहांनि धोखा ना दिया। केईनी कि ऐ सारै नियम ऐईंणै बाई गला केरै छांउठै सैयि आ, पण मसीह ऐ सच आ।