Popular Bible Verses from कुलुस्सियों 1

Share

केईनी कि सैहै असु शैतानेरै कब्जै किना छुड़खाई करि अपड़ै प्रिय पुत्रेरै राज्य मझ लै ऐईछिया।

केईनी कि ऐ मसीह ऐ थ्या, जेनि सभ-किछ बंणाणेरै तेईनी परमेश्वरा सेईतै कम केया, चाहै सै स्वर्गेरी भुईया या धरतिरी, लधौरी या अणलधि, क्या सिंघासन, क्या राज्य, क्या शासक क्या अधिकारी, सभ किछ तेसेरै जेरियै जां तेसेरै तेईनी आदर दींणेरै तेईनी बंणाय।

सभ किछ बंणाणा किना पेहिलै मसीह मौजूद थ्या, जां सारी चीजै मसीहरी वजहि ला अपड़ि जगाय पनि टिकोरी रींहथी।

कोई बि परमेश्वरा ना तका सकता, पण जेख्णी तेसैरा पुत्र एकि मैहणुरै अव्तारा मझ या, ता तेनी परमेश्वर मैहणुवां केरै सांमणै प्रकट करि दित्ता, जां परमेश्वरै जै किछ बि बंणाउ तैस पनि तेसैरा सभनियांं बडा हक आ।

ऐठणीरै तेईनी जेसै धियाड़ी किना असुवें तुवाड़ै बारै मझ ऐ शुणु, असै हमेशा तुवाड़ै तेईनी प्रार्थना की कि परमेश्वरैरा आत्मा तुहांनि ज्ञान जां समझ दिया ताकि तुवे तेसैरी ईच्छा पूरी तराहि सिंउ समझि सकिया। असै ऐ प्रार्थना कातै ताकि तुवे ऐनि तरीकै जीवन जिया जेतिया प्रभुरै मैहणुवां केरा भूंणा चेहिंथा जां तुवे हर तरह सिंउ प्रभु खुश करि लिया ताकि तुवे लगातार हर प्रकारेरै भलै कम कातै रिय्हा जां परमेश्वरा जांणना मझ लगातार बढ़तै गहिया।