Popular Bible Verses from 1 कुरिन्थियों 2

Share

पण पवित्र शास्त्रैरा ऐ अर्थ आ; कि जेख्णी सैक्यै बोलतै, “ना कदि कुनिक्यै तकाउ, ना कदि कुनिक्यै शुणौरू आ जां ना कदि कुनिक्यै तैन्हांं अदभुत चीजा केरी कल्पना क्यौरी आ, जै परमेश्वरै तैन्हांं मैहणुवां केरै तेईनी तियार क्यौरी आ, जै तैस सिंउ प्रेम कातै।”

पण जैस मैहणु किनि परमेश्वरैरा आत्मा ना, सैक्या सच्ची आत्मायरी गलै ना मनता; केईनी कि सैकेई तेसेरी नजरी मझ मूर्खै बाई गलै अत्ति; केईनी कि अक मैहणु अपड़ि कीमत तेख्णी बुझि सकता, जेख्णी तैस मझ पवित्र आत्मा भूंता।

पण परमेश्वरै ऐकेई गलै असु पन मतलब खास चैला पन पवित्र आत्माय ला प्रकट की; केईनी कि ऐतियु किछ बि ना जै परमेश्वरैरा आत्मा ना जांणता। यौ-तेईनी कि परमेश्वरेरै गहरै विचार बि पवित्र आत्मा जांणता।

असै तिहीं चारै ना सौचतै जा समझतै, जिहीं ऐस संसारेरै होरै मैहणु कातै; पण परमेश्वरै असुनि अपड़ा आत्मा दितौरा, कि असु तैन्हांं गला केरा पता लगिया, जै परमेश्वरै असुनि दितोरी अत्ति।

मिंडी शिक्षाय जां प्रचारा मझ मैहणुरी ज्ञान बाई चलाकिरी गलै ना थी; पण पवित्र आत्माय तुहांनि एकि सामर्थी तरीकै ला लुहाउ कि जै संदेश मीं तुहांनि शुणाउरा, सैक्या सच आ। ताकि तुवाड़ा विश्वास मैहणुरै ज्ञाना पन ना, पण परमेश्वरेरी सामर्थ्य पन निर्भर भुईया।