Popular Bible Verses from 1 कुरिन्थियों 1

Share

पण ज्ञानवान जां शक्तिशाली मैहणुवां लज्जित कांनेरै तेईनी परमेश्वरै सैक्यै मैहणु चुणीं लियै, जै संसारेरी नजरी मझ मूर्ख जां कमजौर अत्तै।

केईनी कि जै मैहणु परमेश्वरा किना अलग करियूंणै, तैन्हांंनि सजा मेईंणी, सैक्यै क्रूसा पन मसीहरी मोउतिरी कीमत ना जांणतै; पण असेड़ै तेईनी जै ऐम्हीं बचायूंतै अत्तै, असु ऐ पता कि ऐ परमेश्वरेरी शक्तिरा प्रमाण आ।

केईनी कि परमेश्वरेरी मूर्खता मैहणुवां केरै ज्ञाना किना जादी ज्ञानवान आ जां परमेश्वरेरी कमजोरी मैहणुरी शक्ति किना जादी ताकतवर आ।

परमेश्वरा ऐहीं कांनु, केईनी कि सैक्या जै बोलता, तैस कांनेरै तेईनी विश्वासयोग्य आ जां तेनी तुवे अपड़ै पुत्र, असेड़ै प्रभु यीशु मसीहरी संगती मझ शदाउरै अत्तै।

मिंडै विश्वासी भाईयो, आंउ असेड़ै प्रभु यीशु मसीहरै अधिकारै ला तुहां सिंउ विनती काता, कि तुहां सभनियां योकिया केरी गल मनणी चेहिंथी जां तुवाड़ी अकै गल जां अकै मकसद भुईया, जेनि ला तुवे योकिया सिंउ मिलि-जुलि करि रिय्हा।

जां असै ऐनि गलै ला समझतै कि जै बुद्धिमान अत्तै, तेन्हैरै ज्ञानेरी कोई कीमत ना; मूसेरी व्यवस्था शिख्रांणारा शास्त्रिया केरी बि कोई कीमत ना जां ऐस संसारा मझ ऐतिया मैहणुवां केरी बि कोई कीमत ना, जै गलै कांना मझ चालाक अत्तै; केईनी कि परमेश्वरेरै सांमणै ऐस ज्ञानेरी कोई कीमत ना।