Popular Bible Verses from ISAYAX 41

Share

Paw lhat, mawh kheu aux ot mai maix, paw yaoh, mawh kheu Aux mawh Siyiex maix, Aux tak kieh maix kaux cong, Aux tak teem ka maix, Aux tak joh maix ka plawng taix dawm pa ting riang tix.

Mawh kheu Aux mawh Siyiex maix, tak giex taix dawm maix, tokaux Aux ah nin ka maix, “Paw lhat, Aux tak teem ka maix.”

Jhak heue, pui pa song rhawm ka maix, tak kaig tua mai laux pakngai mai pui koeng riang ciang khoi ka maix, tak ang mawh tidtix, tak laux leeing.

Maix mawh pui pa hoik teei Aux khaing dee sidah haktiex mai pa hoik kok khaing daog haktiex, ah nin ka maix, “Maix mawh siliex Aux, Aux hoik laug maix mai ang tik vud maix.”

Maix tak sawk ka pui tix mai maix ang pub kix, pui yuh naing ka maix, tak ang mawh tidtix, mawh pa giex going.

Siyiex ah nin, Yakop pa mawh ngaw eue, paw lhat, pex pui Isarelax eue, Aux tak teem ka maix, cao taoh ka maix mawh Siyiex pa singax singeh pui Isarelax.

Viang mawh nan maix pui Isarelax pa mawh siliex Aux, Yakop pa hoik laug aux ti deuh mai doeh ru Abraham paox grawm aux

Aux tak paoh rawm klawng lih khaing dee lhaong mai paoh rawm keut lih khaing daux lung, Aux tak yuh daux tiag koe rawm mai haktiex kroh mawh dee lih rawm.

“Yam sawg pui hot mai pui cud cha ka rawm ang yaox ka mai dak kix kroh ka sang nyaux nie rawm, Aux pa mawh Siyiex pawk lox kix, Aux pa mawh Siyiex pui Isarelax, tak ang tik vud ka kix.

Mawh pui mawx pa khre mai yuh ceu an, pa kok ka doeh ru tom yam jah, mawh Aux pa mawh Siyiex, pa mawh yam jah mai pa mawh tom sidauh.

Ka daux tiag Aux tak sum khaox Arit mai khaox Akashax, khaox Muratu, khaox Sanlun, ka daux tiag mhaik Aux tak priex khaox gix, khaox Taderax mai khaox Tashurax tau, Sonsang yaox mai tawng pui ka, kix tak simie ti keud mai doh rhawm ka, mawh taix Siyiex pa yuh ka ceu in mai mawh Siyiex pa singax pui Isarelax pa phan ka ceu in.