Popular Bible Verses from ISAYAX 40

Share

Nawh Cao tawx sibrawm ka pui pa taug pa mao mai baox riang ka pui awn riang.

Viang pui awn ju taug mao mai awn riang kawx mai pui koe riang tak goh pak lawg. Pui pa krox jun ka Siyiex, tak koe riang rao khraox, kix tak di pruik tix mai po awm klang krih, kix to kawx ang taug mao mai nawh hu ang awn riang heue.

Ang pex sax tawng mai ang pex sax mhong lie? Siyiex, mawh Siyiex leeing ju, cao pa phan haktiex tom hoek ka num ka rao, Nawh Cao ang awn riang mai ang chix taug chix mao, ang pon sawg ti yaox ka krax tawng yung Nawh Cao.

Lox pa kok yo pui ka daux tiagtu, “Khre rien daux krax Siyiex, cox daux krax ting rahsee ka daux tiag son Siyiex ex.

Rib riem tak kroh mai tai tak khrum, viang mawh nan, gumlox Siyiex ex tak kaux cong leeing ju.

Min pakngai Siyiex, tak lih hoek mai kawn pui tak yaox tau ku kaux, mawh kheu jheeh Siyiex hoik krai ti deuh.”

Daux klawk ku klawk tak sang kieh naog, gawng ku gawng mai ton ku ton tak sang kieh tiem mai pa kawk vawk tak sang kieh see mai krax khluk khlek tak sang kieh plang.

Nawh Cao tak liang phung yung Nawh, awm cao liang yung, Nawh Cao khrawm kawn yung ka plawng taix tix mai kliien ka piang naok tix mai koi thong miex yung pa kawn iak kawn.

Yaog ngai pex jhak ka dee lhaong mai jhak mawh pui mawx, pa phan ka ceu in khankix, Nawh Cao pa singax viex kix hu mai kok ceu kaux kix khawmuik. Ka riang rao pa ting tix, mawh kheu Nawh Cao koe sibrawm, ang koe pa grai tix kaux kawx.

Nawh Cao mawh pa ngawm ka piang haktiex mai pui pa ot daux haktiex awm sido, Nawh Cao tawm ti deuh raoma awm man tie mai nih ti deuh awm nyiex gox sonsang ot ka daux an.

Krai lox nyawm rhawm ka veng Yerusaliem mai krai ka meung an, naing ang lai koe son maix mai phimap phighram maix kawx hoik pluat ploi ka mai nawh hoik rieb ti kham phimap khaing Siyiex, mawh phimap ra son khaing maix.

Lox lih hoek ah nin, “Yiiem heue, “Mai aux ah nin “Aux sang yiiem yuh ka mawx?” Kawn pui kuceu awm rib riem mai krax mhawm grang awm tai ka daux tiag. Rib riem an kawx tak kroh, tai kawx tak khrum, yam phlu Siyiex bhaung ka piang an, kawn pui kuceu mawh rib riem tete.

Jhak heue, Siyiex hoek mai sibrawm mai plawng taix Nawh Cao tak kwang son Nawh Cao mai bwanson koe ka Nawh Cao mai totaix koe sivoe Nawh Cao.

Siyiex pex ah nin, tawx pa nyawm rhawm, tawx pa nyawm rhawm ka pui aux khankix.

Mawh pui mawx pasax tong ti yaox rawm ka tawm taix tix mai sax tiag ti yaox raoma ka diex tix mai sax tong ti yaox phawng tiex ka khrawng, pasax ciang ti yaox gawng ting ka jiang lie? Mai ciang gawng iak ka daux jiang yoi lie? Mawh pui mawx pasax ciied ti yaox ka khwan Siyiex mai gau sawn tawx rhawm keud ka Nawh Cao? Mawh kum Nawh Cao mai pui mawx, sonsang sidawng Nawh Cao ka, pui mawx pasax gau pa rahsee ka Nawh Cao mai gau Nawh ka krax tawng mai jhi Nawh Cao sidawng ka lie?