Popular Bible Verses from ISAYAX 42

Share

“Aux mawh Siyiex hoik kok maix hoek ka daux pa rahsee, Aux tak giex mai priex ka maix, Aux hoik kieh maix mawh lai sijax mukheu son pui kuceu mai pa riang ka pui tang ceu. Sonsang paoh ka ngai dug mai sonsang ploi pui pa laig thawng lih khaing daux thawng mai viex pui ngawm daux pa faik lih khaing ka daux nyiex thawng.

Aux mawh Siyiex, in mawh ceu kaux Aux, Aux tak ang tawx min pakngai tix ka pui tang kaux mai ang tawx krax pa yaogyaw tix ka riang rao saik khankix.

Jhak ka kawncau Aux, pa yaog Aux kah, pa mawh pui laug Aux, pui pa khaw rhawm Aux, Aux hoik deuh khwan tix ka piang nawh, nawh tak viex pa rahsee hoek ka pui kuceu.

Nawh ang raig gawng priem graig mai ang preet ka ngu pa hoik laix yeet, Nawh tak viex pa rahsee mai pa mawh meh hoek. Tom sidah ang Nawh nyang pang pa rahsee ka piang haktiex, Nawh ang khrup rhawm, ang laux rhawm mai ka piang haktiex krox jun ka gumlox Nawh.

Aux tak tuk pui duk hu krax pa ang kix tawng, Aux tak thong kix hu ka krax ang kix tawng. Aux tak kieh pa faik mawh pa riang ka plak sivoe kix mai kieh krax vawk mawh pa rauh, Aux tak yuh ceu in khankix ka son kix mai ang tik vud kix.

Jhak heue, grawng pa dawg koe hoik lih tix mawh, Aux jhi ka ceu pa khraox, sivoe sang bleeh ceu an mai Aux hoik krai pex mhong kah heue.