Popular Bible Verses from Josu%E9 6

Share

Xwiri i Ajwal xub'ij che ma Josué: “Yin injachom chik i Jericó pa'ab', junam ku' i rajch'oj, xaq i rajawinel.

Yix are kita chi rok'a' chij lik chom xaq junwi ch'awik k-ono, xaq keje uri yix ko chixsik'inoq; are uri i tapial chi sutinnaq chrij i tinimit kwulij na loq. Te'uri suk'ulik chixok b'i yix chu'anik ch'oj chrij i tinimit.”

Yix achiyab' aj Israel chi ix yij che i ch'oj kixb'in ni chrij i tinimit juyak che jun ij, keje ile chi'ana, k'a kitz'aqatsaj ni waqib' ij.

Je wuqub' ajsujul sipon kkik'am nu b'i jujun rok'a' chij chi antal trompet che, kenab'ej nu b'i chwach i kaxa re utrat i Ajwal. Che i uwuq ij lik keb'in ni wuqmul chrij i tinimit Jericó, tz'aqat i ajsujul sipon kkixut'ij i rok'a' chij chi antal trompet che.

I winaq aj Jericó xkitz'apij uchija re i okb'al che i tinimit tob'al kib' chkiwach i aj Israel, rumali mijun winaq kok b'ik xaq mijun kel loq.

Are je o che uwuq b'inik, i ajsujul sipon ko xkixut'ij i rok'a' chij lik x-e uqul xki'an che, are uri ma Josué xub'ij chke i winaq: ¡Chixsik'inoq! Man i Ajwal ujachom chik i tinimit pi'ab'.

I nim laj tinimit Jericó xaq ronojel ni'pa i o chupam ksach ni uwach rumal i k'oqb'al re i Dios, xwi ati Rahab chi kuch'ak umer chwach uch'akul kk'asi na xaq konojel ni'pa i je o chi rachoch, man ire xeruwaj i keb' achiyab' chi xeqataq li chrilik nim laj tinimiti.