Popular Bible Verses from Colosenses 3

Share

Chiya unimal ik'ux chiwach; chikuyu imak chiwach; chi'ana pacha xu'an i Cristo chiwe yix, xukuy imak; xaq keje ile chi'ana yix chiwach.

Chich'ob'o i utz chi o chikaj, mich'ob' chik i to' re uwach i jyub' ta'aj.

Ni'pa i ki'ano, chi'ana ru' ronojel ik'ux. Chi'ana che pacha uchak i Ajwal; are ti pacha re jun winaq ki'an che.

Yix ix chatal rumal i Dios; u'anom chiwe lik ix re ire; lik k'ax kixuna'o. Rumali, chiya iwib' chrilik tob'al kiwach i winaq, chi'ana chi utz ik'ux chke, mi'an nim che iwib', chi'ana al ik'ux che iwib', xaq misach unimal ik'ux chwach i k'ax.

Chiya che utzij i Cristo kk'iji pik'ux. Chinawsaj iwib' chiwach, xaq chiya ukowil ik'ux chiwach, xwiri chi'ana ru' i nojb'al chi kpe ru' i Dios. Lik chitioxij che i Dios ru' ronojel ik'ux rumali chib'ixaj i Dios ru' i b'ix re i salmos, xaq ru' jub'an chik b'ix chi kojb'al u'ij i Dios. Yix iwok'am ub'i i Ajwal Jesucristo, rumali ronojel i ki'ano, ronojel i kib'ij, chi'ana pacha kraj ire. Chitioxij che i Qaqajaw Dios; ile kixtiki che rumal i Jesucristo.

Xwiri, are i mas o uchak ki'ano, are i k'axnab'al iwib' chiwach, man we o k'axnab'al ik'ux chiwach, lik junam iwach uri.

Yix ya ix walijnaq chik che i kamik junam ru' i Cristo, rumali mirayij chik i to' re uwach i jyub' ta'aj, are chirayij ni'pa o chikaj pa ku'at wi tzij i Cristo ru' i Dios.

Xaq i utz laj olem re i Cristo ch-ol ni pik'ux, man i Dios ix ucha'om chu'anik xa jun chiwe pacha jun ch'akulaj. Xaq chitioxij che ronojel wach u'anom chiwe.

Rumali, chichupu pik'ux ni'pa re ti Dios, ni'pa i xa re uwach i jyub' ta'aj; pacha taq iri: Jun achi mumin rib' ru' jun ixoq we rixoqil taj, xaq keje jun ixoq; xaq mi'an chik i ch'am taj; Miya iwib' che i utz ti laj taq rayijb'al, xaq mirayij u'anik i utz taj. Mirayij uwach jun b'iroxik we iwe taj, man i mak le xaqjun ru' pacha ukojik u'ij jun tiox chi xaril antalik.

Man yix ya xixkam junam ru' i Cristo, i wo'or ik'aslemal o che ire, xaq ire o che i Dios.

Xwiri, wo'or chikanaj ni'pa taq i utz taji: Mix-oywar chik, mi'an k'an che iwib', mich'ob' u'anik k'ax che jun chik, mixto'tanik, miya ichi' chub'ixkil i utz ti laj taq tzij.

Xaq mit'or iwib' chiwach, man ikanam chik ni'pa i utz taj i'anom ujer; ijalwachim chik inojb'al re ujer. Ijalwachim chik che jun k'ak' nojb'al. I k'ak' laj nojb'al le are i Dios x-anawik, xaq ktijin chuyijb'axik pacha unojb'al Ire. Keje ile ktijin chu'ankil chiwe, man Ire kraj chi lik kiwetamaj unojb'al Ire.

Yix ix achiyab', k'ax cheina iwixoqil; mi'an to' kixyajan chke.

Yix ix ak'alab', chixkojon che ichuch iqajaw ronojel wach kkaj ike chiwe, man keje ile chom kril i Ajwal.

Yix chi ix ixoqib', we o iwachijil, chiya iwib' pki'ab'; mas kmajaw ile man iwok'am ub'i i Ajwal.