Popular Bible Verses from Pwede abwa 12

Share

Éngɛ e gɛrɛ shi ngwe fɔɔ engɔ nyɛ̀rɛ̀ zèʼe ene anɔm ŋwɔ ǹglɔ̀ mane entsɛ éŋwaʼa byɛ a ma ga mbɔʼ ngɔ ngɛ. Angɔ a de na ke ndɛʼ etsɔmɔ amɔ è ku mbɔʼtye e sɛɛrɛ ega Ngwe mbɔʼnga angɔ à ne nɛɛ kpe ebwa wɛ mbɔɔ a ma sɛ̀ɛrɛ̀ ngɛ ne éŋwaʼa.

Éngɛ mmɛ zo etsoʼ deʼ ma flaba ga ezob kpe, “Enjitsɔ epweere Ngwe shi zeʼe. Ngwe shi tee ekama mɔ é klini bɔ na m̀fɔ̀ nɔ. Ǹtɔmzhwaʼa Ngwe shi tee ekama mɔ enjitsɔ. Enga a shi ndwa egho wɛ à ma ngɔ̀ɔ efàarà Ngwe nchi mane ǹklì é ga abwa enji bɔ kristo ngɛ a chwâ.

 ndwa ǹkwɔmnejwa mane engere mɔ a chwâ. E jwe sam yɛ â ma zɔʼrɔ kpe dɛbli mane asatan wɛ e ma ndooro ese gimkpaʼ é le abwa bɔɔbɔɔ ngɛ na ǹkwɔmnejwa yɛ.  ndwa engɔ a chwâ ne engere mɔ.

Egɛnɛ mwɔ ezob mane ebe abɔ byɛ e ma tsɔmɔ aŋu ngɛ. Bɛʼngɛ abɔ byɛ e ma tsɔmɔ edɔm chwâ mane efwɔ ebɔrɔndim ngɛ ba ngo zɔ ǹgoʼ ghɛʼ ene eboo asatan mbɔʼnga engɔ we nɛɛ kpe endzobo ndze a shi tiimi.”

Éngɛ ebiri klada ezob, Maykɛl mane engere mɔ â ngwe nè ǹkwɔmnejwa yɛ. Ǹkwɔmnejwa yɛ nè èmɔ engere gɛrɛ ngwè achim.

Éngɛ ǹkwɔmnejwa yɛ bɔɔ etaa ene aye wɛ, gɛ̀rɛ̀ ngɔɔ ngwè ebiri nè bwɔ ngɔ wɛ mwɔ abɔ byɛ e ma shi atsɛrɛ Ngwe gɛrɛ ma bɛ̀rɛ antsɛ ene Yeso ngɛ.

Éngɛ anɛ̂ ebwa zodo zodo deʼ gli ezob. Mmɛ zɔ aye deʼ wɛ ńchwe à me kɛɛrɛ engɔ sɔ̀ na ǹdi nɔ, eta mwɔ enji elo ngɔ, ǹtàm m̀fɔ̀ deʼ mwɔ ato ngɔ nè ńtɔrɔta wum ǹchwɔ̀ fyee anyi. Aye wɛ à ne mwɔ ebûm, è sa zamma é be ŋwɔ mɔ. Engɔ à na ku̧u mbɔʼnga abyɛ ŋwɔ à ma twa ghɛʼ.

Éngɛ engɔ à be ŋwɔanɔm, eŋwɔ wunɔ me le afwɔ gimkpaʼ é klini bɔ gimkpaʼ edɔm chwâ ene ekama. Bɛʼngɛ angere Ngwe shuʼ eŋwɔ wunɔ ngɔ̀ɔ afwɔ yɛ Ngwe à mwɔ edɔm atan m̀fɔ̀ mɔ ngɛ. Aye wɛ à dɔrɔ ngɔ̀ɔ efwɔ akwâ ńked, ene afwɔ deʼ yɛ Ngwe à shi ndeere ebe engɔ ngɛ, mbɔʼtye engere kɔʼɔ engɔ aŋu efwɔ enji tɔɔshin ne ako fyee tɛʼ èsama tɛd.

Éngɛ anɛ̂ ebwa zodo zodo tsɛrɛ gli ezob, mmɛ zɔ ǹkwɔmnejwa kɛ̀ deʼ efan. À ne le eto sàambyɛ nè ǹdwɔrɔ wum. Ato ŋwaʼaŋwaʼ me le ǹtàm m̀fɔ̀. Antsakɔ̀d ngɔ zɔɔ antiri ńtɔrɔta ŋwaʼ ezob efwɔ entiri tɛd byɛ â mwɔ ngɛ e tu a chwâ. Éngɛ ǹkwɔmnejwa yɛ tam embè aye wɛ à me kɛʼɛ é be ŋwɔ ngɛ, mbɔʼtye mbè nde ŋwɔ ngɔ èndzobo chɛ e ma be ngɛ.

Bɛʼngɛ â ndɛʼ eblaba àfùu kɛ èfyee ebe aye wɛ mbɔʼtye engɔ me né fùrù nyɛrɛ ebe jwe yɛ ngɔ̀ɔ efwɔ akwâ ńked, ene afwɔ mɔ yɛ e me ndeere ebe engɔ ngɛ. Engɔ wa ngo mwɔ ene aghɛʼ yɛ ǹkwɔmnejwa ne ma ngo zɔ engɔ bo ngɛ. Engɔ wa tsɔmɔ aŋu efwɔ enɔ̂m tɛd mane ata mfo. Enyɛrɛ efwɔ eta wɛ, ǹkwɔmnejwa yɛ chi ndim efwɔ eklo mɔ na andzɔ̀ʼ nɔ tu ekwa aye wɛ è beʼ engɔ ngɔ̀ɔ. Bɛʼngɛ chwâ à zeʼe kpèdè aye wunɔ, è fuʼu eklo mɔ ŋwɔ andim myɛ ǹkwɔmnejwa yɛ à ma tù ene eklo mɔ ngɛ.