Popular Bible Verses from Pwede abwa 13

Share

Ewunɔ ne ega kɛ́ e ma ke azɔm. Egho è me le azɔm ngɛ wee ǹji ene nuru nyɛm ǹgɛ̀ yɛ, enga nuru mɔmbwo me tama ene ekumu gho, nuru yɛ mwɔ 666 (mfo mfo mfo kà ako mfo nè èsama tɛd tɛʼ mfo).

Bɔ gimkpaʼ efwɔ ese ba ngo ghɔ enyɛm zɔnɔ, à tyetye ma abɔ byɛ â shi ŋwɛʼrɛ akumu angɔ efwɔ aŋwɛʼrɛ etyê ŋwɔ ǹglɔ̀ wɛ â zhudu ngɛ. Â ŋwɛʼrɛ akumu angɔ enyɛrɛ èndzobo chɛ Ngwe à ndeere ese ngɛ. Aŋwɛʼrɛ zɔnɔ na angɔ eŋwɔ ǹglɔ̀ wɛ â zhudu ngɛ.

Enyɛm nùrù fyee yɛ à tiri bɔ gimkpaʼ adɔ̀kpara kà bɔ tɛbɛ, bɔ kɛb nè bɔ ndzaŋa, àdzob ne abɔ e mwɔ egha amɔ ngɛ shi angɔ ŋwɛʼrɛ anɛ̂ ebwo nde kà ekɔshi amɔ. Egho wɛ à ne me ŋwɛʼrɛ bo ngɛ, ka ala fɛn gɛrɛ na ala deʼ zɔn. Anɛ̂ yɛ â ŋwɛʼrɛ ngɛ mwɔ ekumu enyɛm zɔnɔ kà nuru wɛ me tama ene ekumu wɛ ngɛ.

Egho wɛ â shi fuuru kpe e ba bere engɔ ngɛ, e bara bere. Engɔ wɛ â shi fuuru kpe e ba gbɛdɛ engɔ me ene ebye ngɛ, e bara gbɛdɛ. Ewunɔ ne tee kpe bɔ Ngwe klini etaa gɛ̀rɛ̀ le ebɛrɛ ene ega Ngwe.

Éngɛ mmɛ zɔ nyɛm twatwa deʼ è ma mùurù amɔ é gli efwɔ ebɔrɔndim, è me le ǹdwɔrɔ wum mane eto sàambyɛ, ǹdwɔ ŋwàʼaŋwàʼ me le ǹtàm m̀fɔ̀, ato ŋwaʼaŋwaʼ me le ekumu deʼ wɛ â ma ndwaʼa Ngwe ngɛ.

A gɛrɛ ndɛ̀ʼ afwɔ ebe engɔ é ngwe bɔ Ngwe è fɔɔ, gɛ̀rɛ̀ ndɛ̀ʼ ekama ebe engɔ é klini anɔrɔkla gimkpaʼ, ebɛ gimkpaʼ, m̀pèrè atsoʼ gimkpaʼ mane m̀pèrè bɔ gimkpaʼ.

Enyɛm ǹgɛ̀ zɔnɔ à ndooro bɔ efwɔ ese ene amyɛnɛ abwa yɛ Ngwe à bɛrɛ kpe engɔ le ngɛ. Engɔ a na le abwa zɔnɔ gimkpaʼ efàarà enyɛm yɛ à fwɛ ewu shi nɔ ekɔʼɔ ngɛ. Engɔ à ga kpe e ndeere azhi yɛ angɔ ma ghɔ yɛ a me nu ezɔɔrɔ nyɛm mbèmbè yɛ â gbɛ a da bli ekɔʼɔ ngɛ. Ngwe à bɛrɛ kpe enyɛm nùrù fyee ngɛ fee azhwɛɛrɛ efwɔ azhi enyɛm mbèmbè ngɛ mbɔʼtye azhi yɛ le ekama é ga gɛrɛ le kpe e zhudu abɔ byɛ e ne ma ghɔ engɔ bo ngɛ gimkpaʼ.

Enyɛm ǹgɛ̀ yɛ mmɛ à zɔ ngɛ à ne mwɔ na ekùru nɔ, bɛʼngɛ elo ngɔ mwɔ na elo ángwe nɔ me klɔ nè nyɔrɔ anyi. À ne le ńgli dɔɔdɔɔ na nyɛm ngɛ deʼ yɛ a me klɔ ghɛʼ ngɛ. Eklo ngɔ mwɔ ne eklo ǹgɔmaŋwa nɔ. Ǹkwɔmnejwa yɛ a ndɛʼ afwɔ mɔ, ekama mɔ mane atan m̀fɔ̀ mɔ ebe enyɛm ngɛ yɛ.

 ndɛʼ afwɔ ebe enyɛm zɔnɔ é fɛfi è ndwaʼ Ngwe.  gɛrɛ ndɛʼ afwɔ ebe engɔ é mwɔ ato efwɔ ata èsama fyee tɛʼ fyee.

Ato enyɛm yɛ àbi ne na â me zhu aghɛʼnji bɔɔbɔɔ nɔ. Bɛʼngɛ abyɛ yɛ shi shi myɛ. Bɔ gimkpaʼ efwɔ ese â kɔn gɛ̀rɛ̀ sa kìrì enyɛm yɛ.

Éngɛ mmɛ wu zɔ enyɛm ǹgɛ̀ twatwa tsɛrɛ e ma ndooro amɔ ma gli à zeʼe efwɔ chwâ, me le ǹdwɔrɔ fyee na ŋwɔ ǹglɔ̀ nɔ ma ga na ǹkwɔmnejwa yɛ nɔ! Nyɛm yɛ à gli ekama yɛ nyɛm mbèmbè à me le ngɛ é klini bɔ anyi efàarà enyɛm yɛ. Engɔ à le ela gimkpaʼ efwɔ ese ghɔ nyɛm mbèmbè ngɛ. Enyɛm ǹgɛ̀ mbèmbè yɛ a ne engɔ yɛ a me le ebyɛ byɛ â fwɔ zhudu engɔ ngɛ, bɛʼngɛ abyɛ mɔmbwo a myɛ.