Popular Bible Verses from Pwede abwa 11

Share

Éngɛ angere nùrù sàambyɛ fee amboo mɔ, mmɛ zo etsoʼ ga zeʼe ekere kpe, “Ebwa m̀fɔ̀ efwɔ ese shi ebwa m̀fɔ̀ Masakɛ bɔ mane Ǹtɔmzhwaʼa mɔ. Engɔ wa ngo mwɔ m̀fɔ̀ efwɔ akyɛ kengudu.”

Bɔ gimkpaʼ byɛ a ne ma ghɔ awɛ bo ngɛ a na bɔɔ etaa mbɔʼnga endzobo ene eboo mfyɛ shi zeʼe. Endzobo shi bwɛrɛ é sɛʼ bɔ kudu. Endzobo gɛrɛ shi koʼo é nɛ̀rɛ̀ bɔ afwɛʼ mbyɛ, bàmɛnɛkɔn mane abɔ byɛ â ma ge ànòŋò ene ekumu ngwɛ ngɛ, akparakpara mane akɛkɛ, mane angɔ byɛ e mwɔ na ela bli ngɛ, gɛrɛ tsɔŋɔ abɔ ngɔ byɛ â ma tsɔŋɔ abɔ abê efwɔ ese ngɛ.

Mmɛ wa ngo chidi entsɛ mbu fyee, angɔ ge ǹdiri ku, e ba ngo ga abwa yɛ a ma ngo gli ngɛ efwɔ enji tɔɔshin ŋwaʼ nè ako fyee tɛʼ èsama tɛd.”

Aŋu enji tɛd mane abɛɛ â fɔɔ ngɛ, Ngwe saa azhuʼ etyê mɔ a nyii efwɔ akwa angɔ, angɔ zhwɛm gɛrɛ tamma ekere. Èklɔ̀ bere abɔ byɛ â zɔ angɔ ngɛ.

Angɔ be le ekama é gwɔ̀b ezob mbɔʼtye m̀bò ne ngwe èndzobo chɛ e ma ngo ma sɛ̀ɛrɛ̀ ega Ngwe ngɛ bo. Angɔ gɛrɛ be le ekama é le ndim firi shi anɔm, è le ekama é sàa m̀pèrè eŋwan gimkpaʼ efwɔ ese ene endzobo yɛ angɔ ma ke ngɛ.

Entsɛ fyee bɔnɔ ne ezɔd olif fyee mane achud tɛʼɛ anâm fyee byɛ e me tamma efàarà Masakɛ, wɛ me klini ese gimkpaʼ ngɛ. Mala gho deʼ ma ké le ebwa bɔɔbɔɔ ekwa angɔ, éwu wa gli eklo angɔ è tsɔŋɔ bɔ m̀pɛ̀ʼ angɔ mɛ̀ɛrɛ̀. Éngɛ ene aghɛʼnji ŋwaʼ zɔnɔ, egho wɛ ma ké tsɔŋɔ angɔ ngɛ, e ba zhudu engɔ.