Popular Bible Verses from Efesùs 2

Share

Mba ya abo àfàʼì Ŋwiye ne wì ya tangi ni gha tì chughi ane ifɔti tì Yeso Kristo ni se ghìyə̀ inug chɔm mbe ne Ŋwiye ya fə bi chùʼri nɔ̀ŋì ina gha tì ghiyə.

Icheg ne mbə̀ nɔŋi ibḛfiŋ igun Kristo, Ŋwiye fə ghì ìchɔ̀mì inən, pumni awən. Kayi mbə̰ ghi anug azo̰. À ya ineʼi ne nɔʼi abə Ŋwiye. Chəyi Ŋwiye ya pumni awən imbə̀ʼ icheg ne mbə̀ ya ghi anug mɔ̀ʼɔ. Ane, imbə̀ʼ wə̀d kɔmɔ yi igo.

Si ya gha, Ŋwiye we ne dìgrè igun bəd kwàʼ icheg chɔm, ne bə̀ kɔ̀ŋɔ̀ bəd kwàʼ icheg chɔm, məd ya ghì gha, ka ìmba inug tibɔ̀ŋ ya ghì tì si yaʼ icheg bəd ku, tè ywìrì yaʼ izɔm icheg ne tì yaʼi ane ifɔti tì Kristo. À ya anjìm ìchɔ̀mì Ŋwiye ne mbə̀ fə pumi.

Ŋwiye ya zwemni awa tì Kristo ghì tì chùghi tì məd igun itən kyen kyen ikaŋ àbɔ̀ŋɔ se tùmbə̀ isəg icheg ne tì yaʼi ane ifɔti tì Yeso Kristo.

Ane, mbə̰ mbe ne kayi mə̀Ju, chəyi mbə̀ ywirì yaʼ bəd tìsɔ̀ʼ. Amad anìŋ, mbə̰ mbe se inga iwaŋ abɔ̀ʼ bəd Ŋwiye bə̀ yaʼ inga inəbi Ŋwiye. Mba ya bəd Ŋwiye ne təmi kà igun ati ze ne bədkə̀n Ŋwiye fɔrɔ bədtɔm Kristo ya bɔmi. Yeso ya iteg ibug nəb mbègtog inga ati nəb ze.