Popular Bible Verses from Efesùs 1

Share

Mə we bə̀ chàʼrà Ŋwiye gha wì ghiyə ìmbən itog zen imbə̀ʼ mbə̀ kyere aghi ze ne wì kàri awa gha tì nɔŋɔ ikɔndi ghɔ̀m. À ya ìchɔ̀mì kyen we ne wì ya kàʼi abə bəd məd fɔrɔ ika məd we ne fàʼà inga bəd mbe ne bḛ aməd ne chəyi tì mbi mə̀grì ane aghi mɔ̀ʼɔ. Aŋa ya ika kyen məd we ne ya ghi Kristo zwème ane iwu, si chùghi ikaŋ àbɔ̀ŋɔ aba abo jəghi Ŋwiye. Kristo ya amad anìŋ se tùmbə̀ izwighi ijìm mbe ne yaʼi ikaŋ, ka bèyi mbe ne beri ika. Ikum məd chè tikum tijìm igun isəg fɔrɔ inga isəg we ne kiri yèʼe.

Bɔŋ Ŋwiye ya se tànga isəg, wì ya fə chɔʼ awa gha tì zen bə̀ təm kòʼ ibo imbìghè icheg ne tì yaʼi ane ifɔti tì Kristo. Anjìm àkɔ̀ŋì, Ŋwiye ya fə chɔʼ awa nɔ̀ŋì gha zìye biri niŋ awa ane ìmbi bɔn anjìm Yeso Kristo. Wì ya ghì ane icheg ne ze bɔŋi ibo bə̀ yaʼ icheg ne wì kɔŋi gha ze yaʼ.

À ya anjìm anəm Yeso ne Ŋwiye ya zeri awa anyumə̀ ne wì ya waʼi ìmba inug tibɔ̀ŋ. Wì ya ghì ane anjìm ìchɔ̀mì kyen məd

Tì ghumni Ŋwiye ne yaʼi Mbaʼ abə ìwa Anɔŋisəg Yeso Kristo. Icheg ne tì yaʼi ane ifɔti tì Yeso Kristo, Ŋwiye ghì ìchɔ̀mì ina bə̀ ghì Azwighi məd zì àbɔrɔ̀bɔd ne nɔ̀ʼi ikaŋ àbɔ̀ŋɔ igun ina.