Popular Bible Verses from Colossians 3

Share

Ya­vwananji, swinya tetelananji, ndi wu­mwi ali nakakukwinuluka wumwi. Mule muwatetelana ndivino namwe Imfumu yawatetela.

Yelenganianji pakwe vyonye-vyoo vitupu, mutize muwakwe­lengania ivintu vyamunsi.

Wombanji chonsi chino mukuwomba nimyezo yinu yonsi, muwawomba ngati mukuwomba ku Mfumu e Leza, kuwantu pole.

Mwenji mwewantu wakwe Leza; wawakunzile awasola ukuti muwe mwe­wakwe. Achaleka fwandi, muwe numwe­zo wachilanda, inkumbu, ukuyichefya, ukutechela, nukuzizimichizya.

Ndi amazwi yakwe Klistu, ya­kwikala mumyezo yinu, nukusimichila konsi. Sambilizyanianji mbali nukuchi­nchizyania namano yinu yonsi. Yimbi­lanji amalumbo, nindwimbo, nindwi­mbo zyamuzilo; yimbilanji Leza, mbali nukusalifya mumyezo. Vyonsi vino mukuchita navino mukuvwanga, mule muwachitila mwizina lya Mfumu e Yesu, mwakwe weliwe amuno muwa­salifizya e Leza Umukwasi.

Napakwe vyoo vyonsi, muwawa nulukundo, luno lukasanzi­nkania ivintu vyonsi apaliponga mu­chikunga chenecho.

Mwazyulupulwa apaliponga nu Klistu. Fwandi aleni, wikani imye­zo yinu kuvintu vyamwiyulu, kuno Klistu wikala pandulu kwikasa lyandilo ilyakwe Leza.

Muleke umute­nde wuno Klistu akupanga awuno wuwapanzya mumyezo yinu; muno amutendenye woo Leza wawita mwensi apaliponga mumuwili wonga. Muwasa­lifya.

Achaleka fwandi, mule muwakoma ukulonda konsi ukwamunsi kuno kuli mwakwe mwemwe, uwuzelele, ikombe­zya, ichilaka chiwipe, ukulonda kuwipe, ukumilichisya (amuno ukumilichisya akulumbula amakolania).

Amuno mwafwa, nuwumi winu wavwama apali­ponga nu Klistu mwakwe Leza.

Ukuwa kanonzi fumyani ivintunye vyoo vyonsi: ukuvitwa, uwukali, name­lengania yalupato. Mumilomo yinu mutize muwafuma intusi numukwele­ngula.

Mutize muwawipizyania, amu­no kanonzi mwazula uwuntu wukali nimiwele yakwe yonsi, mwazwala umuntu mupya. Wenye wee awili muntu mupya wino e Leza umwelewuzi, akamwelewula uwupya wawukola wakwe impindi zyonsi, alyakuti mumu­manyichisye.

Wonsi, kundanji wawakwinu, mu­tize muwakalaluka kwewoliwo.

Wana, amulimo winu mwe wa Klistu ukutontela awakwasi winu pe­nye, amuno chochonye achino chikase­chelesya Leza.

Wanachi, tontelanji wawakwinu, amuno vino mwe wa Klistu mwazipila muwachita wowonye.