Popular Bible Verses from ၵလႃႇတီႉ 4

Share

ပိူဝ်ႈ​ဢၼ်​သူ​ပဵၼ်​လုၵ်ႈ​ၸိူဝ်ႉ​ၼင်ႇ​ၼၼ်​လႄႈ ၽြႃး​ပဵၼ်​ၸဝ်ႈ​ပွႆႇ​ၸႂ်ႉ​ဝီႉၺိၺ်ႇ​လုၵ်ႈ​မၼ်း​ၸဝ်ႈ ဢၼ်​ၸၢင်ႈ​ႁွင်ႉ​ဝႃႈ၊ ဢပ်ႉပႃႉ​ပေႃႈ၊ ဝႃႈ​ၼင်ႇ​ၼႆ​ၼၼ်ႉ​မႃး​ၵႃႈ​ၼႂ်း​ႁူဝ်​ၸႂ်​သူ​ဢေႃႈ။- ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ ၵမ်း​လိုၼ်း​သူ​ဢမ်ႇ​ပဵၼ်​ၶႃႈ ဢၼ်​လႆႈ​ၶၢမ်ႇ​တၢင်း​ၸႂ်ႉ​တၢင်း​သွႆ၊ ပဵၼ်​လုၵ်ႈ​ဢေႃႈ။ ပေႃး​ပဵၼ်​လုၵ်ႈ​ၸိုင်၊ ပဵၼ်​ၵေႃႉ​ဢၼ်​ၶၢမ်ႇ​ဢမူၺ်ႇ​ၵွပ်ႈ​ပိူဝ်ႈ​ၽြႃး​ပဵၼ်​ၸဝ်ႈ​ဢေႃႈ။

မိူဝ်ႈ​ဢၼ်​ၶိင်ႇ​ၵႃႇလႃႉ​ၸေး​ၼၼ်ႉ​ၸိုင် ၽြႃး​ပဵၼ်​ၸဝ်ႈ​ပွႆႇ​ၸႂ်ႉ​လုၵ်ႈ​ၸဝ်ႈ ဢၼ်​ဢဝ်​ပတိၵ်ႉသၼ်ႇထေႇ​ၼႂ်း​တွင်ႉ​မႄႈ​ယိင်း​သေ​လႄႈ ၵိူတ်ႇ​လဵင်ႉ​မႃး​တႂ်ႈ​ပိင်း​ၺၢပ်ႈ​တြႃး​ၼၼ်ႉ​မႃး၊- ႁႂ်ႈ​လႆႈ​ထုတ်ႇ​ဢဝ်​ႁဝ်း ဢၼ်​မီး​ယူႇ​ၼႂ်း​မိုဝ်း​ပိင်း​ၺၢပ်ႈ​တြႃး လွင်ႈ​ၼင်ႇ​ႁိုဝ်​ႁဝ်း​တၵ်း​လႆႈ​ၶၢမ်ႇ​တၢင်း​ဢၼ်​ယွင်ႈ​ဝႆႉ​ၵႃႈ​ၼႂ်း​ဢရႃႇ​လုၵ်ႈ​ဢေႃႈ။

တေႃႈ​လဵဝ်​ၼႆႉ​ၸမ်ႉ၊ သူ​ႁူႉ​ၽြႃး​ပဵၼ်​ၸဝ်ႈ​သေ​ယဝ်ႉ ဝႃႈ​ၼႆ​ဢမ်ႇ​ဝႃႈ၊ ၽြႃး​ပဵၼ်​ၸဝ်ႈ​ႁူႉ​သူ​သေ​ယဝ်ႉ၊ ႁဵတ်း​သင်​လႄႈ​သူ​သမ်ႉ​ၶၢႆႉ​ပုတ်ႈ​ၶိုၼ်း​ၵႂႃႇ​ၵႃႈ​ၼႂ်း​မိုဝ်း​တြႃး​ၼုမ်ႇ​ဢၼ်​ဢမ်ႇ​မီး​ႁႅင်း၊ ဢၼ်​ဢမ်ႇ​ပၼ်​ၵတ်း​ယဵၼ်​ၶျၢမ်း​သႃႇ​လႆႈ​ၼၼ်ႉ​ၸိူဝ်ႉ​ၼင်ႇ​ႁိုဝ်။ သူ​မီး​ဢလူဝ်ႇ​ႁႂ်ႈ​လႆႈ ၶိုၼ်း​ၶၢမ်ႇ​ႁဵတ်း​ၶႃႈ ၵႃႈ​ၼႂ်း​တြႃး​လေႃးၵီႇ​ၼၼ်ႉ​ယဝ်ႉ​လူင်​ပႄႇ။