Popular Bible Verses from ၵလႃႇတီႉ 3

Share

မႅၼ်ႈ​ၼင်ႇ​ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ၊ ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ်​ဢဝ်​ႁွႆႈ​ဢဝ်​ၽႅၼ် ၵႃႈ​တီႈ​သဝ်​မႆႉ​သဝ်​လၵ်း​ၵူႈ​ၵေႃႉ​ၵူႈ​ၵူၼ်း​ၼၼ်ႉ ပဵၼ်​ၵေႃႉ​ဢၼ်​လႆႈ​ၶၢမ်ႇ​တၢင်း​ဢၼ်​ၵိၼ်ႇ​ဢၼ်​ဝႃႈ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ၊ ၸဝ်ႈ​ၶရိၸ်ႈ​ၼၼ်ႉ​လႆႈ​ၶၢမ်ႇ​တၢင်း​ဢၼ်​ၵိၼ်ႇ​ဢၼ်​ဝႃႈ​ပုၼ်ႈ​ႁဝ်း​လႄႈ ထုတ်ႇ​ဢဝ်​ႁဝ်း​ၵႃႈ​ၼႂ်း​တၢင်း​ဢၼ်​ၵိၼ်ႇ​ဢၼ်​ဝႃႈ​ပိင်း​ၺၢပ်ႈ​တြႃး​ယဝ်ႉ။

ၵႃႈ​ၼႂ်း​ၸဝ်ႈ​ၶရိၸ်ႈ​ၸိုင်၊ ဢမ်ႇ​မီး​ၵူၼ်း​ ယူႉတႃႉ ၊ ဢမ်ႇ​မီး​ၵူၼ်း​ ႁေႇလသႃႉ ၊ ဢမ်ႇ​မီး​ၶႃႈ၊ ဢမ်ႇ​မီး​ၵူၼ်း​လွတ်ႈ၊ ဢမ်ႇ​မီး​ၵူၼ်း​ၸၢႆး၊ ဢမ်ႇ​မီး​ၵူၼ်း​ယိင်း။ ၵႃႈ​ၼႂ်း​ၸဝ်ႈ​ၶရိၸ်ႈ​ၼၼ်ႉ သူ​ၵႃႈ​မီး​တင်း​သဵင်ႈ​တင်း​လူင် ပဵၼ်​ဢၼ်​လဵဝ်​ၵၼ်​ယဝ်ႉ။

ပေႃး​သူ​ၸၢပ်ႈ​သႅင်ႇ​ၵၼ်​တင်း ၸဝ်ႈ​ၶရိၸ်ႈ​ၸိုင်၊ သူ​ပဵၼ်​ၸိူဝ်ႉ​ၶိူဝ်း​ ဢႃႇပြႃႇႁၢမ်ႇ ​လႄႈ တႄႇ​ယူႇ​ၼႂ်း​တၢင်း​ဢၼ်​ၶၢမ်ႇ​ဢမူၺ်ႇ​ၸွမ်း​ၼင်ႇ​ၵတီႉ​ၸဝ်ႈ​ဢေႃႈ။

လွင်ႈ​မၼ်း​ၸမ်ႉ လွင်ႈ​ၼင်ႇ​ႁိုဝ်​တၢင်း​လီ​မင်ႇၵလႃႇ​ဢၼ်​ ဢႃႇပြႃႇႁၢမ်ႇ ​လႆႈ​ၶၢမ်ႇ​ဢဝ်​ၼၼ်ႉ တၵ်း​လႆႈ​ႁွတ်ႈ​မႃး​တီႈ​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း ၵွပ်ႈ​ပိူဝ်ႈ​ ယေႇသူႉ​ၶရိၸ်ႈ ​ၼၼ်ႉ ဢိၵ်ႇ​တင်း​လွင်ႈ​ၼင်ႇ​ႁိုဝ်​ႁဝ်း တၵ်း​လႆႈ​ၶၢမ်ႇ​ဢဝ်​ဝီႉၺိၺ်ႇ​ၸဝ်ႈ ဢၼ်​ၸၢပ်ႈ​သႅင်ႇ​ၵၼ်​တင်း​ၵတီႉ​ၸဝ်ႈ ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​ၼၼ်ႉ​ၸိုင် ၸင်ႇ​ပဵၼ်​ဢေႃႈ။

လိူဝ်​သေ​ၼၼ်ႉ လွင်ႈ​ဢၼ်​ၽူႈ​လႂ်​ဢမ်ႇ​ႁွတ်ႈ​ထိုင်​တၢင်း​ဢၼ်​သိုဝ်ႈ​တေႃႇ ၵႃႈ​တီႈ​ၽၢႆႇ​ၼႃႈ​ၽြႃး​ပဵၼ်​ၸဝ်ႈ ၵွပ်ႈ​ပိူဝ်ႈ​ပိင်း​ၺၢပ်ႈ တြႃး​လႆႈ​ၼၼ်ႉ​ၸိုင် ထၢင်ႇ​သႃး​ယူႇ​ဢေႃႈ။ လွင်ႈ​မၼ်း​ၸမ်ႉ ၵေႃႉ​ဢၼ်​သိုဝ်ႈ​တေႃႇ​ၼၼ်ႉ ဢသၢၵ်ႈ​တၵ်း​လိပ်း​ၵွပ်ႈ​ပိူဝ်ႈ​တၢင်း​ဢၼ်​ယုမ်ႇ​မၢတ်ႈ​ဢေႃႈ။