Popular Bible Verses from ၵလႃႇတီႉ 5

Share

ဢၵျူဝ်း​ဝီႉၺိၺ်ႇ​ပၵတီႉ​ၸမ်ႉ၊ ပဵၼ်​တၢင်း​ဢၼ်​ႁၵ်ႉ​ပႅင်း၊ တၢင်း​ဢၼ်​သိူဝ်း​ပျေႃႇ၊ တၢင်း​ဢၼ်​ၼိမ်၊ တၢင်း​ဢၼ်​ၸႂ်​ယႂ်ႇ​ၸႂ်​ယၢဝ်း၊ တၢင်း​ဢၼ်​ႁဵတ်း​ၵျေး​ၸူး၊ တၢင်း​ဢၼ်​မျၢတ်ႈ​လီ၊ တၢင်း​ဢၼ်​ယုမ်ႇ​မၢတ်ႈ၊- တၢင်း​ဢၼ်​ၸႂ်​ၼိမ်​သိမ်ႇ​ဢူၼ်ႈ​ဢွၼ်ႇ၊ တၢင်း​ဢၼ်​ၶျုၵ်ႈ​ၵႃႇမၵုင်ႇ​ၸိူဝ်း​ၼၼ်ႉ​ဢေႃႈ။ တြႃး​ဢၼ်​လႂ်​သေ​ၵေႃႈ၊ ဢမ်ႇ​ႁၢမ်ႈ​တၢပ်ႈ ႁႄႉ​ၶႅၼ်​တၢင်း​ၵမ်​တၢင်း​ၵျၢင်ႉ​ၸိူဝ်ႉ​ၼင်ႇ​ၼၼ်​ၼၼ်ႉ။

ၵဝ်​ပိင်း​ၺၢပ်ႈ​ၸမ်ႉ၊ ၵမ်​ၵျၢင်ႉ​ၸွမ်း​ၼင်ႇ​ဝီႉၺိၺ်ႇ​ပၵတီႉ​တႃႉ။ ပေႃး​ၵမ်​ၵျၢင်ႉ​ၸိူဝ်ႉ​ၼင်ႇ​ၼၼ်​ၸိုင်၊ သူ​တၵ်း​ဢမ်ႇ​ၸွမ်း​ၼင်ႇ​ဢလူဝ်ႇ​ၸႃႇ​တီႉ ပၵတီႉ​လႄႈ​ယူႇ​ဢေႃႈ။

ပေႃး​ႁဝ်း​ဢသၢၵ်ႈ​လိပ်း​ၵွပ်ႈ​ပိူဝ်ႈ​ဝီႉၺိၺ်ႇ​ၸဝ်ႈ​ၸိုင်၊ ဢွၼ်​ၵၼ်​ၵမ်​ၵျၢင်ႉ​ၸွမ်း​လူၺ်ႈ​ဝီႉၺိၺ်ႇ​ၸဝ်ႈ​တႃႉ​ႁဝ်း။

ၶဝ်​ၸိူဝ်း​ဢၼ်​ၸၢပ်ႈ​သႅင်ႇ​ၵၼ်​တင်း​ၸဝ်ႈ​ၶရိၸ်ႈ​ၼၼ်ႉ​ၼၼ်ႉ ဢဝ်​ၸႃႇ​တီႉ​ပၵတီႉ ဢိၵ်ႇ​တင်း​ၸႂ်​တင်း​ဢလူဝ်ႇ​သၼ်ႇတႃႉ ၸႃႇ​တီႉ​ပၵတီႉ​ယႅၼ်ႉ​တွၵ်ႇ​ဝႆႉ​ၵႃႈ​တီႈ​သဝ်​လၵ်း​ဝႃး​ၵၢပ်ႈ​ယဝ်ႉ။

တၢင်း​ၵမ်​တၢင်း​ၵျၢင်ႉ​ၸႃႇ​တီႉ​ပၵတီႉ​ၸိူဝ်း​ၼၼ်ႉ ထၢင်ႇ​သႃး​ယူႇ​ဢေႃႈ။ တၢင်း​ၵမ်​တၢင်း​ၵျၢင်ႉ​ၸိူဝ်း​ၼၼ်ႉ​ၸမ်ႉ၊ ပဵၼ်​တၢင်း​ဢၼ်​ႁဵတ်း​မေႇ​ထုင်ႇ​ဢၼ်​ဢမ်ႇ​တြႃး၊ တၢင်း​ဢၼ်​ၵမ်​ၵျၢင်ႉ​ဢၼ်​ၵူဝ်ႈ​ၵိူၵ်ႇ၊ တၢင်း​ဢၼ်​ၵီႉလေႇသႃႇ​ပူၼ်ႉ​လိူဝ်၊- တၢင်း​ဢၼ်​ၵူဝ်း​ၵႂၢႆႇ​ရုၵ်ႈ​ထူႉ၊ တၢင်း​ဢၼ်​မီး​ၽိူဝ်ႉ​လႄႈ​ႁဵတ်း​တီႈ​ပိူၼ်ႈ၊ တၢင်း​ဢၼ်​ၸင်း​ပိူၼ်ႈ၊ တၢင်း​ဢၼ်​ၽိတ်း​ၵၼ်၊ တၢင်း​ဢၼ်​ၶေႉ​ၶဵင်ႇ​ၵၼ်၊ တၢင်း​ဢၼ်​တင်း​ၸႂ်​မႆႈ​ၶႆႈ​ၸႃႉ​ဢွၵ်ႇ၊ တၢင်း​ဢၼ်​တွပ်ႇ​ထဵင်​ၵၼ်၊ တၢင်း​ဢၼ်​ၵေႃႉ​ၼိုင်ႈ​လႄႈ ၵေႃႉ​ၼိုင်ႈ​ၽၢတ်ႇ​ၽႄ​ၵၼ်၊ တၢင်း​ဢၼ်​ၽႄ​ၵိူင်း​ၶႂၢႆး​ၵိူင်း​၊- တၢင်း​ဢၼ်​သီႈ​ၵေႉ​ႁေႈ​တႃ၊ တၢင်း​ဢၼ်​ဢဝ်​ဢသၢၵ်ႈ​ၵူၼ်း​တၢႆ၊ တၢင်း​ဢၼ်​ၵိၼ်​လဝ်ႈ​မဝ်း​ၵမ်၊ တၢင်း​ဢၼ်​ႁဵတ်း​ပွႆး​ႁဵတ်း​လၢမ်း ၸိူဝ်း​ၼၼ်ႉ​ဢေႃႈ။ ၸိူဝ်ႉ​ၼင်ႇ​ဢၼ်​ၵဝ်​လၢတ်ႈ​ဝႆႉ မိူဝ်ႈ​ဢွၼ်​ၼႆႉ​ၼၼ်ႉ​လႄႈ​ဝႃႈ၊ ၶဝ်​ၸိူဝ်း​ဢၼ်​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ​ၸိူဝ်ႉ​ၼင်ႇ​ၼၼ်​ၼၼ်ႉ တၵ်း​ဢမ်ႇ​လႆႈ​ၶၢမ်ႇ​ဢမူၺ်ႇ​မိူင်း​ၽြႃး​ပဵၼ်​ၸဝ်ႈ၊ ဝႃႈ​ၼင်ႇ​ၼႆ​ၼၼ်ႉ၊ တေႃႈ​လဵဝ်​ၼႆႉ​ၵေႃႈ ၵဝ်​လၢတ်ႈ​ဝႆႉ​ထႅင်ႈ​ဢေႃႈ။

ပီႈ​ၼွင်ႉ​ၶဝ်​ဢိူၺ်း၊ သူ​ပဵၼ်​ၵေႃႉ​ဢၼ်​လႆႈ​ဢၶႂၢင်ႉ တၢင်း​ဢၼ်​ပွႆႇ​လွတ်ႈ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ယႃႇ​ပေ​ပၼ်​ဢၶႂၢင်ႉ​တီႈ​ၸႃႇ​တီႉ​ပၵတီႉ​လႄႈ သုင်း​သွင်ႇ​တၢင်း​ဢၼ်​ပွႆႇ​လွတ်ႈ​ၼၼ်ႉ။ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ၼင်ႇ​ၵၼ်​ၵၼ်​ႁၵ်ႉ​ၵၼ်​သေ​လႄႈ ဢွၼ်​ၵၼ်​ပွင်​ႁဵတ်း​ဢမူႉ​တႃႉ။

လွင်ႈ​မၼ်း​ၸမ်ႉ ၸႃႇ​တီႉ​ပၵတီႉ​တင်း ဝီႉၺိၺ်ႇ​ပၵတီႉ ပႃး​ၼိုင်ႈ​လႄႈ​ပႃး​ၼိုင်ႈ​မီး​ဢလူဝ်ႇ​ဢၼ်​ၶတ်း​ၵၼ်​ဢေႃႈ။ ပႃး​ၼိုင်ႈ​လႄႈ​ပႃး​ၼိုင်ႈ ၶတ်း​ၶဵင်ႇ​ၵၼ်​ယူႇ​ထၼ်ႈ​ပေႃး ႁႂ်ႈ​သူ​ဢမ်ႇ​လႆႈ​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ​ဢၼ်​သူ ၶႂ်ႈ​ၵမ်​ၶႂ်ႈ​ၵျၢင်ႉ​ၼၼ်ႉ​လႆႈ။

လွင်ႈ​မၼ်း​ၸမ်ႉ ပိင်း​ၺၢပ်ႈ​တြႃး​တင်း​သဵင်ႈ​တင်း​မူတ်း​ပျေႉ​ၸုမ်ႇ​ဝႆႉ​ၼႂ်း ပိင်း​ၺၢပ်ႈ​ပႃး​ၼိုင်ႈ​ဢၼ်​ဝႃႈ ၵေႃႉ​ဢၼ်​ၸၢပ်ႈ​သႅင်ႇ​ၵၼ်​တင်း​တူဝ်​ၸဝ်ႈ​ၵဝ်ႇ​ၼၼ်ႉ​ၸိုင် ႁၵ်ႉ​မိူၼ်​ၸိူဝ်ႉ​ၼင်ႇ​တူဝ်​ၸဝ်ႈ​ၵဝ်ႇ​တႃႉ၊ ဝႃႈ​ၼင်ႇ​ၼႆ​ၼၼ်ႉ​ဢေႃႈ။

ဢွၼ်​ၵၼ်​ဝႄႈ​ပႅတ်ႈ တၢင်း​ဢၼ်​ၸႂ်​ၸပ်း​ၸႂ်​ၸွႆး လွင်ႈ​တၢင်း​ဢၼ်​သႃႈ​ၸွတ်ႇ​ႁူင်​ႁၢင်း ဢၼ်​လၢႆ​လၢႆ​ဢမ်ႇ​ပွင်ႇ​လွင်ႈ၊ တၢင်း​ဢၼ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ၼင်ႇ​ၵၼ်​ၵၼ်​ဝႆႉ​တၢင်း​ၽိတ်း​ယႃႉ​ယူၵ်ႉ​ၵၼ်၊ တၢင်း​ဢၼ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ၼင်ႇ​ၵၼ်​ၵၼ်​သီႈ​ၵေႉ​ႁေႈ​တႃ​ၵၼ် ၸိူဝ်း​ၼၼ်ႉ​သေ​လႄႈ ယူႇ​တႃႉ​ႁဝ်း။

ပိူဝ်ႈ​ၼႆ​လႄႈ တႄႇ​ယူႇ​ၼႂ်း​ဢၶႂၢင်ႉ​တၢင်း​ဢၼ်​ပွႆႇ​လွတ်ႈ ဢၼ်​ၸဝ်ႈ​ၶရိၸ်ႈ​ပွႆႇ​လွတ်ႈ​ႁဝ်း​ၼၼ်ႉ​ယူႇ​သေ​လႄႈ ယႃႇ​ပေ​သမ်ႉ​ၶိုၼ်း​ၶၢမ်ႇ​တၢင်း​ဢၼ်​မတ်ႉ​ၽုၵ်ႇ​ဝႆႉ​ၼၼ်ႉ​လႄႈ ႁၢပ်ႇ​ၵၢၼ်း​တီႈ​ဢၼ်​တၵ်း​လႆႈ​ၶၢမ်ႇ​ႁဵတ်း​ၶႃႈ​ၼၼ်ႉ​သေ​ၵမ်း။